ຂ່າວສານຊິນຮວາລາຍງານວ່າ: ວັນທີ 18 ກັນຍານີ້, ກະຊວງການເງິນອາເມລິກາເປີດເຜີຍວ່າ: ໃນເດືອນກໍລະກົດປີນີ້, ຈີນສືບຕໍ່ເພີ່ມການຖືຄອງພັນທະມັດອາເມລິກາຕື່ມອີກ ແລະ ກາຍເປັນປະເທດເປັນເຈົ້າໜີ້ໃຫຍ່ທີ່ສຸດຂອງອາເມລິກາ.
ທັງນີ້ໃນເດືອນດັ່ງກ່າວ, ຈີນໄດ້ຖືຄອງພັນທະມັດອາເມລິກາເພີ່ມຂຶ້ນອີກເປັນ 19,5 ຕື້ໂດລາສະຫະລັດ ແລະ ຖືວ່າເປັນເດືອນທີຫົກຕິດຕໍ່ກັນ ແລ້ວສົ່ງຜົນໃຫ້ຈີນມີຍອດໜີ້ສິນທັງໝົດເຖິງ 1166 ຕື້ໂດລາສະຫະລັດ. ຂະນະທີ່ເດືອນມິຖຸນານີ້, ຈີນແຊງຍີ່ປຸ່ນກາຍເປັນປະເທດເປັນເຈົ້າໜີ້ໃຫຍ່ທີ່ສຸດຂອງອາເມລິກາ.
ໂດຍລວມແລ້ວຮອດທ້າຍເດືອນກໍລະກົດ, ປະເທດເຈົ້າໜີ້ອາເມລິກາມີຍອດໜີ້ສິນລວມ 6250,3 ຕື້ໂດລາສະຫະລັດ ລື່ນເດືອນມິຖຸນາທີ່ມີພຽງແຕ່ 6171,6 ຕື້ໂດລາສະຫະລັດເທົ່ານັ້ນ.