ກະຊວງພະລັງງານແລະຊັບພະຍາກອນບໍ່ແຮ່ອິນໂດເນເຊຍເປີດເຜີຍບົດລາຍງານເມື່ອມໍ່ໆນີ້ໂດຍຄາດວ່າ ຮອດປີ 2021, ປະເທດຕົນອາດຈະກາຍເປັນປະເທດສະໜອງໄຟຟ້າຄວາມຮ້ອນໃຕ້ດິນໃຫຍ່ອັນດັບສອງຂອງໂລກ.
ທ່ານ ດາດານ ຄູສເດຍນາ ໂຄສົກກະຊວງພະລັງງານແລະຊັບພະຍາກອນບໍ່ແຮ່ອິນໂດເນເຊຍກຢືນຢັນວ່າ: ຊຸມປີມໍ່ໆມານີ້, ຂະແໜງການຜະລິດໄຟຟ້າດ້ວຍຄວາມຮ້ອນໃຕ້ດິນຂອງປະເທດຕົນໄດ້ພັດທະນາຢ່າງວ່ອງໄວໂດຍການເພີ່ມການຕິດຕັ້ງຈັກຜະລິດໄຟຟ້າດັ່ງກ່າວເພີ່ມຂຶ້ນທຸກປີ. ປັດຈຸບັນ, ປະເທດຕົນສາມາດຜະລິດໄຟຟ້າດ້ວຍຄວາມຮ້ອນໃຕ້ດິນບັນລຸເຖິງ 1698,5 ເມກາວັດ ເຊິ່ງກວມຍອດປະລິມານສະສົມຄວາມຮ້ອນໃຕ້ດິນຂອງປະເທດພຽງ 10%ເທົ່ານັ້ນ. ແນວໃດກໍດີ,ຄາດວ່າ: ຮອດປີ 2018, ການຜະລິດໄຟຟ້າຄວາມຮ້ອນໃຕ້ດິນຈະບັນລຸເຖິງ 2023,5 ເມກາວັດ ເຊິ່ງເຮັດໃຫ້ປະເທດຕົນຂຶ້ນຄອງຖານະເປັນປະເທດຜະລິດໄຟຟ້າຄວາມຮ້ອນໃຕ້ດິນໃຫຍ່ອັນດັບສອງແທນຟີລິບປິນ ແລະເມື່ອຮອດປີ 2021, ປະລິມານການຜະລິດໄຟຟ້າຈະບັນລຸເຖິງ 3559,5 ເມກາວັດ ຖັດຈາກອາເມລິກາ.
 |
