ສະມັດຊາໃຫຍ່ອົງການສະຫະປະຊາຊາດສະໄໝທີ 72 ໄດ້ໄຂການອະພິປາຍທົ່ວໄປ ຢູ່ສຳນັກງານໃຫຍ່ທີ່ນິວຢອກໃນວັນທີ 19 ກັນຍານີ້ ໂດຍປະມຸກລັດ,ຫົວໜ້າລັດຖະບານຫຼືຜູ້ຕາງໜ້າຂັ້ນສູງ 100 ກວ່າທ່ານທີ່ເຂົ້າຮ່ວມຈະຫາລືມາດຕະການຮັບມືກັບໄພຂົ່ມຂູ່ແລະສິ່ງທ້າທາຍທີ່ຜະເຊີນຮ່ວມກັນ.
ໃນວັນດຽວກັນ, ທ່ານອັນໂຕນີໂອ ກູເຕີເຣັສ ເລຂາທິການໃຫຍ່ອົງການສະຫະປະຊາຊາດກໍໄດ້ລາຍງານວຽກງານປະຈຳປີໂດຍສະແດງຄວາມເປັນຫ່ວງຕໍ່ສິ່ງທ້າທາຍແລະໄພຂົ່ມຂູ່ທີ່ທົ່ວປະໂລກພວມຜະເຊີນໃນປັດຈຸບັນເປັນຕົ້ນ ໄພຂົ່ມຂູ່ຈາກອາວຸດນິວເຄລຍ,ການປ່ຽນແປງດິນຟ້າອາກາດ,ລັດທິຫົວຮຸນແຮງ,ລັດທິກໍ່ການຮ້າຍແລະອື່ນໆ.
ໃນໂອກາດດັ່ງກ່າວ, ທ່ານມີໂຣສລັຟ ໄລຊັກ ປະທານສະມັດຊາໃຫຍ່ອົງການສະຫະປະຊາຊາດໄດ້ຊີ້ແຈງທັດສະນະຕ່າງໆໃນການປະຕິບັດໜ້າທີ່ວຽກງານເຊັ່ນ ຈັດເອົາສັນຕິພາບແລະການປ້ອງກັນການປະທະກັນເປັນວຽກງານໃຈກາງຂອງສະຫະປະຊາຊາດ, ຖືຄົນເປັນຫຼັກແລະອື່ນໆ. ນອກນີ້, ຍັງໄດ້ກ່າວຢ້ຳວ່າ:ສະມັດຊາໃຫຍ່ອົງການສະຫະປະຊາຊາດຈະຊ່ວຍປະຊາຄົມໂລກບັນລຸວາລະການພັດທະນາແບບຍືນຍົງຮອດປີ2030ແລະຄຳໝັ້ນສັນຍາທີ່ໃຫ້ໄວ້ໃນສັນຍາປາຣີວ່າດ້ວຍທົ່ວໂລກຮັບມືກັບການປ່ຽນແປງດິນຟ້າອາກາດ.