ກອງປະຊຸມຫາລືການລົງທຶນການຄ້າສາກົນເຊ້ຍເໝິນ 2017 ທີ່ເລີ່ມຈັດຂຶ້ນຢູ່ເມືອງເຊ້ຍເໝິນ ສປ ຈີນ ແຕ່ວັນທີ 18 ກັນຍານີ້ເປັນຕົ້ນມາ ໄດ້ສືບຕໍ່ລົງເລິກການປຶກສາຫາລືຫົວຂໍ້ "ໜຶ່ງແລວທາງໜຶ່ງເສັ້ນທາງ" ໂດຍສາມາດດຶງດູດ 10 ປະເທດອາຊຽນເຂົ້າຮ່ວມ. ຂະນະທີ່ຫໍວາງສະແດງປະຈຳຊາດປະເທດອາຊຽນທີ່ກວມເນື້ອທີ່ກວ່າ 1.000 ຕາແມັດກໍໄດ້ສ້າງຕັ້ງຂຶ້ນເປັນຄັ້ງທຳອິດໃນກອງປະຊຸມດັ່ງກ່າວ.
ທັງນີ້ມີຜູ້ແທນຈາກປະເທດໃນອາຊຽນທີ່ເຂົ້າຮ່ວມງານວາງສະແດງແລະກອງປະຊຸມດັ່ງກ່າວ 400 ກວ່າທ່ານ. ຂະນະທີ່ໃນຫໍວາງສະແດງ ກໍໄດ້ວາງສະແດງບັນດາໂຄງການຂະໜາດໃຫຍ່ ເປັນຕົ້ນ ເຂດນິຄົມອຸດສາຫະກຳ, ການບິນ, ອະສັງຫາລິມະຊັບ, ທ່ອງທ່ຽວ, ກະສິກຳ ແລະອື່ນໆ. ນອກນີ້ຍັງມີຜະລິດຕະພັນທີ່ເປັນເອກະລັກພິເສດ ແລະ ອາຫານຊະນິດຕ່າງໆຕື່ມອີກ ທັງນີ້ໄດ້ສະແດງໃຫ້ເຫັນເຖິງຊ່ອງທາງການຮ່ວມມືລະຫວ່າງຈີນ-ອາຊຽນໄດ້ຂະຫຍາຍກວ້າງຂວາງຂຶ້ນ.
ໃນກນອງປະຊຸມດັ່ງກ່າວ, ຟິລິບປິນ ແລະ ປະເທດອື່ນໆໃນອາຊຽນ ຈະໂຄສະນາໂຄງການເພື່ອການລົງທຶນ ໂດຍຫວັງວ່າຈະສາມາດດຶງດູດການລົງທຶນໄດ້ຫຼາຍກວ່າເກົ່າ ຜ່ານການຮ່ວມມືກັບເຂດການຄ້າເສລີເຊ້ຍເໝິນໃນຂອບ "ເສັ້ນທາງສາຍໄໝທາງທະເລສະຕະວັດທີ 21".
