ວັນທີ 19 ກັນຍານີ້, ທ່ານຫົງລ້ຽງ ເອກອັກຄະລັດຖະທູດຈີນປະຈຳມຽນມາ ໄດ້ຕາງໜ້າລັດຖະບານປະເທດຕົນມອບເງິນ 200 ລ້ານຈາດ ຫຼື ປະມານ 1 ລ້ານຢວນໃຫ້ແກ່ກະຊວງສະຫວັດດີການສັງຄົມ, ຈັດສັນ ແລະສົງເຄາະມຽນມາ ເພື່ອໃຊ້ເຂົ້າໃນການຊ່ວຍເຫຼືອລັດຍະໄຂ່.
ລັດຖະບານມຽນມາໄດ້ປະກາດວ່າ: ນັບແຕ່ລັດຍະໄຂ່ເກີດເຫດການໂຈມຕີກໍ່ການຮ້າຍເມື່ອວັນທີ 25 ສິງຫາເປັນຕົ້ນມາ ໄດ້ເຮັດໃຫ້ປະຊາຊົນປະມານ 26.700 ຄົນຈຳຕ້ອງພັດພາກຈາກບ້ານເກີດເມືອງນອນ. ຕໍ່ເລື່ອງນີ້, ທ່ານຫົງລ້ຽງ ເອກອັກຄະລັດຖະທູດຈີນປະຈຳມຽນມາ ກ່າວວ່າ: ຫວັງວ່າບ້ວງເງິນຊ່ວຍເຫຼືອດັ່ງກ່າວຈະສາມາດບັນເທົາທຸກໃຫ້ແກ່ປະຊາຊົນທ້ອງຖິ່ນ ແລະມີຜົນດີຕໍ່ລັດຖະບານມຽນມາໃນການຮັກສາຄວາມສະຫງົບຢູ່ລັດຍະໄຂ່.
ນອກນີ້, ທ່ານຫົງລ້ຽງ ຍັງກ່າວຕື່ມວ່າ: ທ່ານນາງອອງຊານຊູຈີ ທີ່ປຶກສາແຫ່ງລັດມຽນມາ ໄດ້ຮຽກຮ້ອງໃຫ້ປະຊາຄົມໂລກຊ່ວຍເຫຼືອລັດຍະໄຂ່, ຂະນະທີ່ຈີນກໍຈະສືບຕໍ່ຊ່ວຍເຫຼືອຕາມຄວາມສາມາດຂອງຕົນ ໂດຍອີງຕາມຄວາມຕ້ອງການຂອງລັດຖະບານມຽນມາ ແລະ ປະຊາຊົນລັດຍະໄຂ່.
