ໂດຍຕອບສະໜອງຕາມຄຳເຊີນຂອງພັກກອມມູນິດຫວຽດນາມ, ທ່ານລິວຢູນຊ່ານ ກຳມະ ການປະຈຳກົມການເມືອງ, ເລຂາທິການສູນກາງພັກກອມມູນິດຈີນໄດ້ຢ້ຽມຢາມຫວຽດນາມຢ່າງເປັນທາງການແຕ່ວັນທີ 18 ຫາວັນທີ 19 ກັນຍານີ້, ແລະໃນໂອກາດດັ່ງກ່າວທ່ານໄດ້ພົບປະກັບທ່ານຫງວຽນຟູຈ້ອງ ເລຂາທິການໃຫຍ່ຄະນະບໍລິຫານງານສູນກາງພັກກອມມູນິດຫວຽດນາມ, ທ່ານຫງວຽນຊວນຟຸກ ນາຍົກລັດຖະມົນຕີຫວຽດນາມ, ທ່ານນາງຫງວຽນທິກິີມເງິນ ປະທານສະພາແຫ່ງຊາດຫວຽດນາມຢູ່ນະຄອນຫຼວງຮາໂນ້ຍ, ແລະເຈລະຈາກັບທ່ານເຈິນກວັກເລືອງ ກຳມະການກົມການເມືອງສູນກາງພັກກອມມູນິດຫວຽດນາມ.
ໃນໄລຍະຢ້ຽມຢາມ, ທ່ານລິວຢູນຊ່ານຍັງໄດ້ໄປຢ້ຽມຢາມສະຖາບັນການເມືອງແຫ່ງຊາດໂຮຈືມິງໂດຍການນຳຂອງທ່ານຟາມມິງຈິງ ກຳມະການກົມການເມືອງສູນກາງພັກກອມມູນິດຫວຽດນາມ, ແລະໄດ້ໂອ້ລົມຜູ້ຕາງໜ້ານັກຮຽນຫວຽດນາມທີ່ເຄີຍໄປແລກປ່ຽນຢູ່ຈີນ.