ຕອນບ່າຍວັນທີ 19 ກັນຍານີ້, ລັດໂມເຣລົສພາກກາງຂອງແມັກຊິກໄດ້ເກີດແຜ່ນດິນໄຫວຂັ້ນ 7,1 ລິກເຕີ, ແລະຈາກການສຳຫຼວດຂອງອົງການປົກຄອງທ້ອງຖິ່ນຕ່າງໆຂອງແມັກຊິກ, ປັດຈຸບັນແຜ່ນດິນໄຫວດັ່ງກ່າວໄດ້ເຮັດໃຫ້ມີຜູ້ເສຍຊີວິດແລ້ວຢ່າງໜ້ອຍ 120 ຄົນ.
ອົງການແຜ່ນດິນໄຫວແຫ່ງຊາດແມັກຊິກເປີດເຜີຍວ່າ, ແຜ່ນດິນໄຫວດັ່ງກ່າວເກີດຂຶ້ນໃນເວລາ 13 ໂມງ 14 ນາທີ, ໂດຍຈຸດສູງກາງແຜ່ນດິນໄຫວເລິກລົງໃຕ້ຕິນ 57 ກິໂລແມັດ. ປັດຈຸບັນ, ພວມດຳເນີນການກູ້ໄພແລະຄາດວ່າຈຳນວຍຜູ້ເສຍຊີວິດອາດຈະເພີ່ມຂຶ້ນຕື່ມອີກ.
ຫຼັງເກີດແຜ່ນດິນໄຫວ, ສະໜາມບິນສາກົນແມັກຊີໂກຊີຕີໄດ້ປະກາດຢຸດຖ້ຽວບິນເຂົ້າອອກທັງໝົດເປັນຊົ່ວຄາວ, ແລະກວດກາສິ່ງກໍ່ສ້າງຕ່າງໆ. ແຕ່ມາຮອດປັດຈຸບັນ, ສະໜາມບິນດັ່ງກ່າວໄດ້ເປີດບໍລິການຄືນໃໝ່ແລ້ວ.
ນີ້ແມ່ນເຫດແຜ່ນດິນໄຫວຮຸນແຮງເທື່ອທີ 2 ຢູ່ແມັກຊິກໃນໄລຍະ 2 ອາທິດມານີ້.