ວັນທີ 20 ກັນຍານີ້, ລົດຖີບໂມບາຍ ເຊິ່ງເປັນວິສາຫະກິດລົດຖີບສາທາລະນະສະມາດຈີນ ໄດ້ເປີດກິດຈະການຢູ່ນະຄອນຫຼວງວໍຊິງຕັນ ສະຫະລັດອາເມລິກາແລ້ວ ແລະນັບວ່າເປັນສັນຍານແຫ່ງການເຂົ້າສູ່ຕະຫຼາດອາເມລິກາເໜືອຢ່າງເປັນທາງການ ແລະເປັນຂີດໝາຍສະແດງໃຫ້ເຫັນວ່າ ລົດຖີບໂມບາຍ ໄດ້ເຂົ້າສູ່ປະເທດທີ 8 ໃນໂລກ ທີ່ສຳຄັນນີ້ຄື ຜົນງານທີ່ມີຄວາມໝາຍສຳຄັນທາງປະຫວັດສາດໃນຂະບວນວິວັດແຫ່ງການຂະຫຍາຍຕົວກ້າວສູ່ໂລກ.
ອຳນາດການປົກຄອງນະຄອນຫຼວງວໍຊິງຕັນໄດ້ອອກມາສະແດງຄວາມຊົມເຊີຍຕໍ່ລົດຖີບໂມບາຍ ຫຼັງຈາກການປະສານງານແລະຮ່ວມມືລະຫວ່າງສອງຝ່າຍ ແລະພ້ອມເປີດບໍລິການລົດຖີບສາທາລະນະສະມາດເປັນຄັ້ງທຳອິດຢູ່ທ້ອງຖິ່ນດັ່ງກ່າວ. ຂະນະທີ່ກ່ອນໜ້ານີ້, ລົດຖີບໂມບາຍ ກໍໄດ້ເຂົ້າສູ່ 6 ປະເທດແລ້ວ ຄື ອັງກິດ, ອີຕາລີ, ຍີ່ປຸ່ນ, ສິງກະໂປ, ໄທ ແລະ ມາເລເຊຍ ໂດຍໄດ້ເປີດບໍລິການລົດຖີບສາທາລະນະສະມາດຢູ່ 180 ກວ່າຕົວເມືອງຂອງໂລກແລະໄປພ້ອມກັບຜົນສຳເລັດໃນການເຈາະຕະຫຼາດອາເມລິກາ, ລົດຖີບໂມບາຍພວມເລັ່ງກ້າວສູ່ເປົ້າໝາຍການເປີດບໍລິການຢູ່ 200 ຕົວເມືອງໃນໂລກເມື່ອຮອດທ້າຍປີນີ້.
