ການຮ່ວມລາດຕະເວນປະຕິບັດກົດໝາຍຕາມລຳແມ່ນ້ຳຂອງຄັ້ງທີ 62 ລະຫວ່າງຈີນ-ລາວ-ມຽນມາ-ໄທ ໄດ້ຈັດຂຶ້ນຢູ່ທ່າກຳປັ່ນກວນເຫຼີຍກິ່ງແຂວງສິບສອງພັ່ນນາແຂວງຢູນນານສປຈີນໃນວັນທີ 19 ກັນຍານີ້, ແລະຈະດຳເນີນເປັນເວລາ 4 ວັນ.
ເຈົ້າໜ້າທີ່ໜ່ວຍທະຫານປ້ອງກັນຊາຍແດນແຂວງຢຸນນານທີ່ຂຶ້ນກັບໜ່ວຍປ້ອງກັນທາງນ້ຳກ່າວວ່າ, ການ ລາດຕະເວນຮ່ວມເທື່ອນີ້ຈະເດີນທາງອອກຈາກທ່າກຳປັ່ນກວນເຫຼີຍໄປເຖິງດເຂດສາມຫຼ່ຽມຄຳຊາຍແດນລະຫວ່າງລາວ ໄທແລະມຽນມາແລ້ວກັບຄືນ, ໂດຍມີໄລຍະທາງ 500 ກວ່າກິໂລແມັດ, ແລະໄດ້ຜ່ານເຂດນ້ຳຊາຍແດນລະຫວ່າງຈີນ-ມຽນມາແລະລາວ-ມຽນມາ.
 |
