ຕາມຂ່າວ CRI: ກະຊວງທ່ອງທ່ຽວແລະກິລາໄທໄດ້ອອກບົດລາຍງານໃນວັນທີ 20 ກັນຍານີ້ໂດຍຊີ້ໃຫ້ເຫັນວ່າ, ໃນປີນີ້ປະເທດຕົນຈະສາມາດສ້າງລາຍຮັບການທ່ອງທ່ຽວໄດ້ຫຼາຍກວ່າ 2700 ຕື້ບາດ.
ບົດລາຍງານລະບຸວ່າ, ໃນ 8 ເດືອນຂອງປີນີ້, ສາມາດສ້າງລາຍຮັບຈາກການທ່ອງທ່ຽວໄດ້ແລ້ວ 1727 ຕື້ບາດ, ແລະສຳລັບນັກທ່ອງທ່ຽວຕ່າງປະເທດທີ່ມາທ່ຽວປະເທດໄທນັ້ນ, ນັກທ່ອງທ່ຽວຈີນກວມອັດຕາຫຼາຍສົມຄວນ, ເນື່ອງຈາກໄທຍັງແມ່ນທ່ອງທ່ຽວໜຶ່ງທີ່ນັກທ່ອງທ່ຽວຈີນມັກໄປທີ່ສຸດ. ຈາກນີ້ຈຶ່ງຄາດວ່າແຕ່ເດືອນກັນຍາຫາເດືອນທັນວາປີນີ້, ຈະສ້າງລາຍຮັບໄດ້ເຖິງ 1020 ຕື້ບາດ, ແລະຖ້າບັນລຸຕາມເປົ້າກໍລັນລຸການສ້າງລາຍຮັບໝົດປີໄດ້ຫຼາຍກວ່າ 2700 ຕື້ບາດ.
ບົດລາຍງານຍັງລະບຸອີກວ່າ, ລັດຖະບານປະເທດຕົນຈະຕັ້ງໜ້າສືບຕໍ່ຊຸກຍູ້ພັດທະນາຂະແໜງການທ່ອງທ່ຽວ, ເພື່ອດຶງດູດນັກທ່ອງທ່ຽວຕ່າງປະເທດມາທ່ຽວປະເທດຕົນຫຼາຍກວ່າເກົ່າ.