ເຈົ້າໜ້າທີ່ຮັກສາຄວາມສະຫງົບປະຊາຊົນທົ່ວປະເທດແມັກຊິກເປີດເຜີຍໃນວັນທີ 20 ກັນຍານີ້ວ່າ: ຫຼັງເກີດເຫດແຜ່ນດິນໄຫວຂັ້ນ 7,1 ລິກເຕີນັ້ນສົ່ງຜົນເຮັດໃຫ້ມາຮອດປັດຈຸບັນມີຜູ້ເສຍຊີວິດເປັນຢ່າງໜ້ອຍ 225 ແລ້ວ.
ທ່ານອັນຣິກຸຍ ເປນາ ນີໂຕ ປະທານາທິບໍດີແມັກຊິກປະກາດໃຫ້ທົ່ວປະເທດໄວ້ອາໄລເຖິງຜູ້ເສຍຊີວິດເປັນເວລາ 3 ມື້.
ແຜ່ນດິນໄຫວດັ່ງກ່າວເກີດຂຶ້ນໃນເວລາ 13 ໂມງ 14 ນາທີຂອງວັນທີ 19 ກັນຍານີ້ ຫ່າງຈາກເມືອງອາເຊເຊຍປານລັດໂມເຣໂລໄປທາງທິດຕາເວັນຕົກສຽງໃຕ້ 12 ກິໂລແມັດ ແລະຫ່າງຈາກເມືອງແມັກຊິກ 120 ກິໂລແມັດ.