ວັນທີ 20 ກັນຍານີ້, ທ່ານຫວາງຢີ້ ລັດຖະມົນຕີກະຊວງການຕ່າງປະເທດຈີນກ່າວໃນກອງປະຊຸມລະດັບສູງສະພາຄວາມໝັ້ນຄົງກ່ຽວກັບຮັກສາສັນຕິພາບຂອງອົງການສະຫະປະຊາຊາດວ່າ: ຈີນສະໜັບສະໜູນການປະຕິຮູບລະບົບດັ່ງກ່າວຢ່າງສົມເຫດສົມຜົນ, ແຕ່ກໍຕ້ອງຢູ່ບົນພື້ນຖານປະຕິບັດຕາມຈຸດປະສົງ ແລະ ຫຼັກການໃນກົດບັດຂອງອົງການສະຫະປະຊາຊາດ ເພື່ອປະຕິບັດສິດຢ່າງເຕັມສ່ວນ.
ທ່ານກ່າວຕື່ມວ່າ: ຈຸດປະສົງ ແລະ ຫຼັກການຂອງກົດບັດສະຫະປະຊາຊາດຄື ພື້ນຖານການຮັກສາສັນຕິພາບ, ຕ້ອງປະຕິບັດຕາມຫຼັກການພື້ນຖານໃນການພົວພັນສາກົນ ເຊັ່ນ: ຄວາມສະເໝີພາບບົນອະທິປະໄຕ, ບໍ່ແຊກແຊງກິດຈະການພາຍໃນ, ແກ້ໄຂຂໍ້ຂັດແຍ້ງໂດຍສັນຕິ ແລະ ອື່ນໆ ກໍຄືຫຼັກການຊີ້ນຳການເຄື່ອນໄຫວຮັກສາສັນຕິພາບທີ່ກໍ່ຕົວບົນພື້ນຖານດັ່ງກ່າວ.
ການຊຸກຍູ້ແກ້ໄຂທາງການເມືອງແມ່ນແກ່ນສານຂອງການຮັກສາສັນຕິພາບ ແລະ ບັນລຸການພັດທະນາແບບຍືນຍົງແມ່ນວິທີທີ່ດີ. ທັງໝົດນີ້ຫຼັງການປະຕິຮູບ ກໍເພື່ອສ້າງສະພາບແວດລ້ອມຂອງປະເທດທີ່ກ່ຽວຂ້ອງປອດໄພ ແລະໝັ້ນຄົງ, ບັນລຸການພັດທະນາແບບຍືນຍົງ, ແກ້ໄຂຄວາມທຸກຍາກ ແລະຂໍ້ຂັດແຍ້ງຕ່າງໆທີ່ພາໃຫ້ເກີດການປະທະກັນ.