ທ່ານຈົ່ງຈຸ້ນ ຮອງຫົວໜ້າພະແນກຕິດຕາມຄຸ້ມຄອງທະນາຄານເຂດປົກຄົງຕົນເອງຊີ່ຈ້າງ(ຕິເບດ) ສປ ຈີນຢືນຢັນວ່າ: ມາຮອດທ້າຍເດືອນມິຖຸນາ 2017, ຂະແໜງການທະນາຄານຂອງຊີ່ຈ້າງ(ຕິເບດ)ໄດ້ປ່ອຍສິນເຊື່ອ 91 ຕື້ 986 ລ້ານຢວນ ກວມ26%ຂອງເງິນກູ້ທັງໝົດໃນທົ່ວເຂດເຊິ່ງໄດ້ເປັນສ່ວນສຳຄັນໃນການຫຼຸດປະຊາກອນທີ່ທຸກຍາກໄດ້ 1 ແສນ 4 ໝື່ນ 7000 ຄົນໃນປີ 2016 ຜ່ານມາ ແລະບັນລຸເກືອບ 25% ຂອງຈຳນວນປະຊາກອນທຸກຍາກທົ່ວເຂດ, ມີ 5 ເມືອງໄດ້ສະເໜີໃຫ້ກວດກາແລະປະເມີນຜົນການລົບລ້າງຄວາມທຸກຍາກຈາກລັດ ເຊິ່ງຖືວ່າ ບັ້ນຮົບຫຼຸດພົ້ນອອກຈາກຄວາມທຸກຍາກບັ້ນທຳອິດໄດ້ຮັບໄຊຊະນະ.
ເພື່ອຕອບສະໜອງຕາມຄວາມຮຽກຮ້ອງຕ້ອງການໃນການຫຼຸດຜ່ອນຄວາມທຸກຍາກດ້ວຍການສະໜອງທຶນໃຫ້ຖືກເປົ້າໝາຍນັ້ນ, ພະແນກຕິດຕາມຄຸ້ມຄອງທະນາຄານຊີ່ຈ້າງ (ຕິເບດ)ໄດ້ຕິດຕາມແລະຊີ້ນຳທະນາຄານຕ່າງໆຈັດສັນເງິນກູ້ສະເພາະເພື່ອຫຼຸດຜ່ອນຄວາມທຸກຍາກໃຫ້ຫຼາຍກວ່າເກົ່າ. ນອກນີ້, ທະນາຄານຕ່າງໆຂອງເຂດຊີ່ຈ້າງ(ຕິເບດ)ໄດ້ຕັ້ງໜ້າປະສານສົມທົບກັບຂະແໜງການຕ່າງໆຂອງອົງການປົກຄອງເຂດປົກຄອງຕົນເອງຊີ່ຈ້າງ(ຕິເບດ)ເພື່ອປະຕິບັດໂຄງການກໍ່ສ້າງພື້ນຖານໂຄງລ່າງສຳຄັນຕາມແຜນພັດທະນາເສດຖະກິດສັງຄົມຄັ້ງທີ 13 ຂອງລັດຖະບານທັງເພີ່ມການລົງທຶນເຂົ້າໃນວຽກງານນີ້ຕື່ມອີກ.