ເວທີປຶກສາຫາລືຊາວໜຸ່ມຈີນ-ອາຊຽນຄັ້ງທີ 2 ໄດ້ຈັດຂຶ້ນຢູ່ມະຫາວິທະຍາໄລເຈີ້ງໂຈ່ວແຂວງເຮີນານ ສປ ຈີນໃນວັນທີ 21 ກັນຍານີ້ ໂດຍສູນຈີນ-ອາຊຽນ, ສະຖານທູດຂອງບັນດາປະເທດໃນອາຊຽນປະຈຳຈີນແລະນັກສຶກສາອາຊຽນທີ່ສຶກສາຢູ່ຈີນ, ຜູ້ຕາງໜ້ານັກສຶກສາຈີນແລະພາກສ່ວນກ່ຽວຂ້ອງ150 ທ່ານໄດ້ແລກປ່ຽນແລະປຶກສາຫາລືຫົວຂໍ້ຕ່າງໆຢ່າງກົງໄປກົງມາ.
ນັກສຶກສາຈີນ,ລາວ,ມາເລເຊຍ,ກຳປູເຈຍ,ໄທແລະອິນໂດເນເຊຍໄດ້ແບ່ງເປັນ 4 ໜ່ວຍແລະຫາລື 4 ຫົວຂໍ້ຢ່າງເລິກເຊິ່ງ ໂດຍປິ່ນອ້ອມ "ການພັດທະນາເຂດຊຸມຊົນແລະວຽກງານສັງຄົມຂອງຈີນແລະອາຊຽນ" "ການຍົກນ້ຳໃຈອາສາສະໝັກໃນເຂດຊຸມຊົນ" "ການພັດທະນາແບບວິຊາການໃນການບໍລິການຂອງອາສາສະໝັກແລະວຽກງານສັງຄົມ" ແລະ"ການບໍລິການຂອງອາສາສະໝັກໃນເຂດຊຸມຊົນແລະການເຂົ້າຮ່ວມຂອງຊາວໜຸ່ມ".
ໃນເວທີປຶກສາຫາລືດັ່ງກ່າວ, ຜູ້ຕາງໜ້າມະຫາວິທະຍາໄລແຂວງເຮີນານແລະຜູ້ຕາງໜ້າສະຖານທູດປະເທດອາຊຽນປະຈຳຈີນຈະຄົ້ນຄວ້າປຶກສາຫາລືບັນຫາການຊຸກຍູ້ນັກສຶກສາອາຊຽນໄປສຶກສາຢູ່ມະຫາວິທະຍາໄລແຂວງເຮີນານໃຫ້ຫຼາຍກວ່າເກົ່າ,ການສົ່ງອາຈານສອນພາສາຈີນໄປອາຊຽນ,ເພີ່ມທະວີການແລກປ່ຽນແລະການຮ່ວມມືອື່ນໆ.