ເຈົ້າໜ້າທີ່ດັບເພີງມາເລເຊຍເປີດເຜີຍໃນວັນທີ 21 ກັນຍານີ້ວ່າ: ຫຼັງກວດກາແລ້ວເຫັນວ່າ, ໄຟໄໝ້ໂຮງຮຽນສາສະໜາກົວລາລຳເປີໃນວັນທີ 14 ກັນຍານີ້ແມ່ນເຈດຕະນາຂອງຜູ້ປອງຮ້າຍ.
ທ່ານ ວານໂມ ນໍ ອິບຣາຮີມ ເຈົ້າໜ້າທີ່ດັບເພີງມາເລເຊຍກ່າວວ່າ: ໜ່ວຍງານຕົນໄດ້ພົບຖັງນ້ຳມັນເຊື້ອໄຟເປົ່າທີ່ເປີດຝາແລ້ວ 2 ວັນຢູ່ບ່ອນເກີດເຫດ ແລະຕົວຢ່າງທີ່ໄດ້ພົບຢູ່ບ່ອນເກີດເຫດກໍປະກອບມີວັດຖຸໄວໄຟຫຼັງການວິເຄາະ. ຈາກນີ້ຈຶ່ງຢືນຢັນໄດ້ວ່າ: ສາເຫດໄຟໄໝ້ທີ່ແທ້ຈິງຄືມີຜູ້ເຈາະຈົງຈູດ.
ກ່ອນໜ້ານີ້, ເຈົ້າໜ້າທີ່ຕຳຫຼວດແລະເຈົ້າໜ້າທີ່ດັບເພີງມາເລເຊຍກ່າວວ່າ: ອັກຄີໄຟດັ່ງກ່າວເກີດຈາກໄຟຟ້າລັດວົງຈອນ, ແຕ່ຫຼັງການກວດກາພັດພົບວ່າ, ສາເຫດທີ່ແທ້ຈິງບໍ່ແມ່ນກໍລະນີດັ່ງກ່າວ.