ກຸ່ມບໍລິສັດ ຄັບພິທາລັນດ໌ສິງກະໂປຕັ້ງສຳນັກງານເຂດພາກໃຕ້ຈີນຢູ່ເມືອງກວາງໂຈ່ວ

ຄະນະກຳມະການຄຸ້ມຄອງເຂດພັດທະນາກວາງໂຈ່ວແລະບໍລິສັດລົງທຶນຄັບພິທາລັນດ໌ຈີນຈຳກັດໄດ້ເຊັນສັນຍາສ້າງສາຍພົວພັນຄູ່ຮ່ວມມືຍຸດທະສາດຮອບດ້ານ. ຂະນະທີ່ບໍລິສັດດັ່ງກ່າວຈະລົງທຶນ 55 ຕື້ຢວນຢູ່ເຂດພັດທະນາກວາງໂຈ່ວ, ຕັ້ງສຳນັກງານເຂດພາກໃຕ້ຈີນເພື່ອພັດທະນາໂຄງການປັບປຸງຕົວເມືອງ.

ກຸ່ມບໍລິສັດ ຄັບພິທາລັນດ໌ໄດ້ເລີ່ມດຳເນີນທຸລະກິດຢູ່ຈີນເມື່ອປີ 1994, ແລະຈີນກໍແມ່ນຕະຫຼາດຕ່າງປະເທດໃຫຍ່ທີ່ສຸດຂອງບໍລິສັດນີ້. ປັດຈຸບັນ, ບໍລິສັດ ດັ່ງກ່າວໄດ້ປະຕິບັດໂຄງການຫຼາຍກວ່າ 170 ໂຄງການຢູ່ 52 ຕົວເມືອງຂອງຈີນ. ແລະສຳລັບເທື່ອນີ້ບໍລິສັດຈະສຸມໃສ່ພັດທະນາເຂດພາກຕາເວັນຕົກຂອງເຂດພັດທະນາເມືອງກວາງໂຈ່ວແລະໂຄງການຮ່ວມມືຕາມຂະແໜງການແລະຕົວເມືອງເຊື່ອມໂຍງເຂົ້າກັນ.