ວັນທີ 23 ກັນຍານີ້ ທ່ານບຣິກາເດຍ ເກເນຣານ ອາມິວ ຮາທາມິ ລັດຖະມົນຕີປ້ອງກັນປະເທດອີຣານກ່າວວ່າ, ທະແນມແຕ່ບາງປະເທດຍັງກ່າວຖ້ອຍຄວາມຂົ່ມຂູ່, ອີຣານກໍຈະບໍ່ຢຸດການເສີມສ້າງກຳລັງປ້ອງກັນປະເທດ.
ຕອນຄ່ຳວັນທີ 22 ກັນຍານີ້, ບໍລິສັດກະຈາຍສຽງແຫ່ງຊາດອີຣານໄດ້ເຜີຍແຜ່ວິດີໂອຕອນໜຶ່ງ ເຊິ່ງສະແດງໃຫ້ເຫັນວ່າ ອີຣານໄດ້ທົດລອງຍິງລູກສອນໄຟນຳວິຖີຮຸ່ນໃໝ່ທີ່"ໂຮຣຳຊາເຮິ"ຢ່າງປະສົບຜົນສຳເລັດ. ລູກສອນໄຟນຳວິຖີນີ້ກໍໄດ້ເປີດເຜີຍເປັນເທື່ອທຳອິດໃນພິທີສວນສະໜາມໃນວັນທີ 22 ກັນຍານີ້. ຂະນະທີ່ສະຖານີໂທລະພາບຂ່າວຂອງທາງການອີຣານແຈ້ງວ່າ, ລູກສອນໄຟນຳວິຖີນີ້ສາມາດຍິງໄດ້ເຖິງ 2000 ກິໂລແມັດ, ສາມາດບັນຈຸຫົວຮົບໄດ້ຫຼາຍລູກ, ແລະຈະນຳໃຊ້ເຂົ້າປະຈຳການໃນອີກບໍ່ດົນຂ້າງໜ້ານີ້.
ຫຼັງຈາກທ່ານໂດນັນ ທຣຳ ປະນາທິບໍດີອາເມລິກາສາບານຕົວຂຶ້ນຮັບຕຳແໜ່ງໃນເດືອນມັງກອນປີນີ້ເປັນຕົ້ນມາ, ກໍໄດ້ເພີ່ມຕື່ມຫຼາຍມາດຕະການຂວ້ຳບາດອີຣານ ໂດຍອ້າງວ່າອີຣານພັດທະນາລູກສອນໄຟນຳວິຖີ. ຕໍ່ເລື່ອງນີ້ ອີຣານຕອບໂຕ້ວ່າ, ການພັດທະນາລູກສອນໄຟນຳວິຖີແມ່ນສິດທີ່ປົດອອກບໍ່ໄດ້, ແລະຈະພັດທະນາຕໍ່ໄປຢ່າງເດັດຂາດ.