ຕາມບົດລາຍງານຂອງອົງການຕຳຫຼວດແຫ່ງຊາດກຳປູເຈຍທີ່ເປີດເຜີຍໃນວັນທີ 22 ກັນຍານີ້ວ່າ: ໄລຍະພັກບຸນປະຣະຈົ່ມບັນຫຼືບຸນໄຫວ້ຜູ້ລ່ວງລັບພຽງ 3 ວັນເທົ່ານັ້ນ,ທົ່ວປະເທດກຳປູເຈຍໄດ້ເກີດອຸບັດເຫດທາງຖະໜົນທັງໝົດ 52 ຄັ້ງ ສົ່ງຜົນເຮັດໃຫ້ມີຜູ້ເສຍຊີວິດ 26 ຄົນແລະບາດເຈັບ 90 ຄົນ.
ແຕ່ວັນທີ 1 ຫາວັນທີ 15 ເດືອນ 10 ຕາມປະຕິທິນພຸດທະສາສະໜາແຕ່ລະປີເປັນບຸນໄຫວ້ຜູ້ລ່ວງລັບ ເຊິ່ງເປັນບຸນປະເພນີສຳຄັນທີ່ສະຫຼອງເປັນເວລາ 15 ວັນຂອງກຳປູເຈຍ ຖືວ່າເປັນບຸນທີ່ຍາວທີ່ສຸດໃນອາຊີ. ວັນທີ 19-21 ກັນຍາປີນີ້, ທົ່ວປະເທດກຳປູເຈຍໄດ້ພັກ ເພື່ອສະຫຼອງບຸນໄຫວ້ຜູ້ລ່ວງລັບ. ຕາມບົດລາຍງານຂອງກົມຕຳຫຼວດຮັກສາຄວາມເປັນລະບຽບຮຽບຮ້ອຍທາງສັງຄົມອົງການຕຳຫຼວດແຫ່ງຊາດກຳປູເຈຍລະບຸວ່າ: ໃນໄລຍະພັກເປັນເວລາ 3 ວັນດັ່ງກ່າວ, ທົ່ວປະເທດໄດ້ເກີດອຸບັດເຫດທາງຖະໜົນ ທັງໝົດ 52 ຄັ້ງ, ໃນນີ້ ຂັບລົດໄວເກີນ ກຳນົດ 13 ລາຍ, ດື່ມເຫຼົ້າແລ້ວຂັບລົດ 8 ລາຍ, ແຊງລົດ 5 ລາຍ, ກະທຳຜິດກົດຈະລາຈອນ 25 ລາຍ ແລະລົດເກີດບັນຫາ 1 ລາຍ.