ວັນທີ 24 ກັນຍານີ້, ຢູ່ເມືອງນິງໂປ່ ແຂວງເຈີ້ຈ່ຽງສປຈີນ ໄດ້ຈັດເວທີປຶກສາຫາລືວ່າດ້ວຍວັດທະນະທຳແມ່ນ້ຳລ້ານຊ້າງ-ແມ່ນ້ຳຂອງ ເຊິ່ງເປັນກິດຈະກຳຕົ້ນຕໍຂອງມະຫາກຳສິລະປະອາຊີຄັ້ງທີ 15.
ລັດຖະມົນຕີ ແລະຕົວແທນກະຊວງວັດທະນະທຳຈາກຫົກປະເທດ ຫຼືຜູ້ຕາງໜ້າຕ່າງໆ ເຊັ່ນ: ທ່ານລົ້ວຊູກັ່ງ ລັດຖະມົນຕີວ່າການກະຊວງວັດທະນະທຳຈີນ, ທ່ານທະນະສັກ ປະຕິມະປຣະກອນ ຮອງນາຍົກລັດຖະມົນຕີໄທ, ທ່ານບໍ່ແສງຄຳ ວົງດາລາ ລັດຖະມົນຕີກະຊວງຖະແຫຼງຂ່າວ, ວັດທະນະທຳ ແລະທ່ອງທ່ຽວລາວ ແລະຜູ້ອື່ນທີ່ກ່ຽວຂ້ອງຕ່າງກໍໄດ້ກ່າວປາໄສກ່ຽວກັບການແລກປ່ຽນ ແລະການຮ່ວມມືວັດທະນະທຳຢູ່ອະນຸພາກພື້ນແມ້ນ້ຳລ້ານຊ້າງ-ແມ່ນ້ຳຂອງ ເພື່ອສ້າງແຜນງານ.
ເວທີນີ້ໄດ້ຮັບຮອງເອົາ "ຖະແຫຼງການນິງໂປ່ວ່າດ້ວຍການຮ່ວມມືວັດທະນະທຳແມ່ນ້ຳລ້ານຊ້າງ-ແມ່ນ້ຳຂອງ", ບັນດາທ່ານເຫັນເປັນເອກະພາບກັນວ່າ ການຮ່ວມມືວັດທະນະທຳແມ່ນ້ຳລ້ານຊ້າງ-ແມ່ນ້ຳຂອງເປັນເນື້ອໃນທີ່ສຳຄັນໃນການຮ່ວມມືຕົວຈິງ, ຫົກປະເທດຈະເພີ່ມທະວີການແລກປ່ຽນ ແລະການຮ່ວມມືດ້ານວັດທະນະທຳ, ພະຍາຍາມຖ່າຍທອດ ແລະພັດທະນາວັດທະນະທຳທີ່ເປັນມູນເຊື້ອທີ່ງາມດີ ເພື່ອຊຸກຍູ້ຄວາມເຂົ້າໃຈ ແລະຄວາມໄວ້ເນື້ອເຊື່ອໃຈຂອງປະຊາຊົນຫົກປະເທດໃຫ້ແໜ້ນແຟ້ນຍິ່ງໆຂຶ້ນ.