ວັນທີ 24 ກັນຍານີ້, ທ່ານນາງມາຣີ ມິດແຊນ ໂອຄວນເນີ ລັດຖະມົນຕີວ່າການກະຊວງວຽກງານແຫ່ງລັດ, ຜູ້ຊີ້ນຳການສຶກສາຊັ້ນສູງອຽກລັງກ່າວວ່າ: ປະເທດຕົນຈະເອົາພາສາຈີນເປັນວິຊາສອບເສັງຂອງມະຫາວິທະຍາໄລໃນປີ 2020 ແລະເອົາເປັນວິຊາສອບເສັງເຂົ້າມະຫາວິທະຍາໄລຢ່າງເປັນທາງການໃນປີ 2022.
ທ່ານກ່າວໃນກອງປະຊຸມຮ່ວມສະຖາບັນຂົງຈື້ອັງກິດ-ອຽກລັງໃນມື້ດັ່ງກ່າວວ່າ: ອຽກລັງຈະປະກາດຍຸດທະສາດສຶກສາພາສາຕ່າງປະເທດ ເຊິ່ງຈະກຳນົດເອົາພາສາຈີນເປັນວິຊາສອບເສັງໂດຍອີງຕາມຫຼັກສູດພາສາຈີນ 100 ຊົ່ວໂມງຮຽນຂອງໂຮງຮຽນມັດທະຍົມຕົ້ນນັບແຕ່ປີ 2014.
ທ່ານກ່າວຕື່ມວ່າ: ອຽກລັງມີສອງວໍສະຖາບັນຂົງຈື້ທີ່ດີ ຢູ່ມະຫາວິທະຍາໄລເປິລິນ ແລະມະຫາວິທະຍາໄລໂຄເຄິ ແລະຈາກຄວາມພະຍາຍາມຂອງສະຖາບັນຂົງຈື້ດັ່ງກ່າວ ໄດ້ເຮັດໃຫ້ນັກສຶກສາທີ່ມີລະດັບຄວາມຮູ້ວັດທະນະທຳພາສາຈີນຂັ້ນພື້ນຖານນັບມື້ນັບຫຼາຍຂຶ້ນ.