ວັນທີ 24 ກັນຍານີ້, ໂຄສົກທະຫານເຮືອຟິລິບປິນກ່າວວ່າ, ມື້ດຽວກັນ, ກຳປັ່ນລາດຕະເວນທະຫານເຮືອຟິລິບປິນໄດ້ເຫັນເຮືອປະມົງຫວຽດນາມເຂົ້າສູ່ເຂດທະເລປະມານ 30 ໄມທະເລທາງທິດຕາເວັນຕົກຂອງແຂວງປານກາຊີນານ ເກາະລູຊົນ ພາກເໜືອຟິລິບປິນ, ທະຫານເຮືອຟິລິບປິນເຫັນວ່າກຳປັ່ນລຳນີ້ກຳລັງຫາປາຢ່າງຜິດກົດໝາຍ, ແລ້ວກໍ່ໄດ້ຮັບລູກເຮືອທັງໝົດຂັງໄວ້, ຫຼັງຈາກນັ້ນຊາວປະມົງຫວຽດນາມ2ຄົນໄດ້ເສຍຊີວິດ, ແລະອີກ 5 ຄົນຖືກສົ່ງໄດ້ສືບສວນຕໍ່ຢູ່ຟິລິບປິນ.
ສື່ມວນຊົນທ້ອງຖິ່ນລາຍງານວ່າ, ທະຫານຟິລິບປິນຍິງປືນໃສ່ຊາວປະມົງຫວຽດນາມ 2 ຄົນເສຍຊີວິດ.
ແຕ່ໂຄສົກທະຫານເຮືອຟິລິບປິນບໍ່ໄດ້ຢືນຢັນຄຳເວົ້າຂອງການລາຍງານດັ່ງກ່າວ. ທ່ານກ່າວວ່າ, ປັດຈຸບັນ, ການສຳຫຼວດຂອງທະຫານເຮືອກຳລັງປະຕິບັດໜ້າທີ່ຢູ່, ທີ່ສາມາດຢືນຢັນໄດ້ແມ່ນ ກຳປັ່ນທະຫານເຮືອຟິລິບປິນ ກັບ ກຳປັ່ນເຮືອຫາປາຫວຽດນາມເຄີຍຕຳກັນ. ກ່ອນຜົນການສຳຫຼວດປະກາດ, ຍັງບໍ່ສາມາດຢືນຢັນສາເຫດໃນການເສຍຊີວິດຂອງຊາວປະມົງຫວຽດນາມເທື່ອ.
