ວັນທີ 25 ກັນຍານີ້, ກອງກຳປັ່ນຢ້ຽມຢາມທາງໄກຂອງກອງທັບເຮືອຈີນໄດ້ເດີນທາງເຖິງທ່າກຳປັ່ນມູອາຣາປະເທດບຣູໄນແລ້ວແລະເປັນການເລີ່ມຢ້ຽມຢາມສັນຖະວະໄມຕີ 3 ວັນ ໂດຍກອງທັບເຮືອບຣູໄນໄດ້ຈັດພິທີຕ້ອນຮັບຢ່າງສົມກຽດ.
ທ່ານ ເສີນຮ້າວ ຫົວໜ້າກອງບັນຊາການກອງກຳປັ່ນດັ່ງກ່າວປາໄສໃນພິທີດັ່ງກ່າວວ່າ: ການແລກປ່ຽນຢ້ຽມຢາມດ້ວຍໄມຕີຈິດມິດຕະພາບລະຫວ່າງສອງປະເທດໄດ້ເລີ່ມແຕ່ກ່ອນໜ້ານີ້ 1.500 ກວ່າປີເຊິ່ງມິດຕະພາບອັນເປັນມູນເຊື້ອລະຫວ່າງປະຊາຊົນສອງປະເທດໄດ້ເສີມຂະຫຍາຍແລະພັດທະນາມາໂດຍຕະຫຼອດ. ການຢ້ຽມຢາມບຣູໄນຂອງກອງກຳປັ່ນຄັ້ງນີ້ ເນັ້ນໃຫ້ສອງຝ່າຍຊ່ວຍເຫຼືອ,ແລະສາມັກຄີແລະຮ່ວມກັນເພີ່ມພະລັງໃຫ້ແກ່ການເສີມຂະຫຍາຍສາຍພົວພັນລະຫວ່າງສອງປະເທດຢ່າງປອດໃສ.
ໃນໄລຍະດັ່ງກ່າວ, ສອງຝ່າຍຈະແລກປ່ຽນທັດສະນະຮ່ວມກັນຈັດການຢ້ຽມຢາມຊົມກິດຈະການການຝຶກຊ້ອມຮ່ວມແລະຈັດກິດຈະກຳດ້ານວັດທະນະທຳ,ກິລາແລະອື່ນໆ.
 |
