ວັນທີ 27 ກັນຍານີ້ຢູ່ນະຄອນຫຼວງປັກກິ່ງ ສປ ຈີນ, ທ່ານຫວາງຢີ້ ລັດຖະມົນຕີກະຊວງການຕ່າງປະເທດຈີນໄດ້ພົບປະກັບທ່ານ ອາມັນ ຊາຟາດີ ລັດຖະມົນຕີກະຊວງການຕ່າງປະເທດແລະວຽກງານຊາວຊອກດານີຕ່າງດ້າວປະເທດຊອກດານີ.
ໃນໂອກາດດັ່ງກ່າວ, ທ່ານຫວາງຢີ້ໄດ້ກ່າວວ່າ, ປະເທດຕົນຍິນດີຊຸກຍູ້ການຮ່ວມມືລະຫວ່າງສອງປະເທດໃນຂົງເຂດຕ່າງໆພາຍໃຕ້ຂອບ "ໜຶ່ງແລວທາງໜຶ່ງເສັ້ນທາງ", ທັງສະໜັບສະໜູນຊອກດານີເສີມຂະຫຍາຍບົດບາດໃນວຽກງານພາກພື້ນຫຼາຍກວ່າເກົ່າ, ຂະນະທີ່ກ່ອນໜ້ານີ້ບໍ່ດົນ, ຊອກດານີໄດ້ສັ່ງໃຫ້ເກາະໄຕ້ຫວັນຂອງຈີນປ່ຽນຊື່ອົງການຂອງຕົນປະຈຳຊອກດານີເພື່ອປະຕິບັດຕາມນະໂຍບາຍປະເທດຈີນດຽວ, ເຊິ່ງເລື່ອງນີ້ຈີນສະແດງຄວາມຊົມເຊີຍເປັນຢ່າງຍິ່ງ.
ທ່ານຊາຟາດີກໍ ກ່າວວ່າ, ປະເທດຕົນຫວັງວ່າຈີນຈະເສີມຂະຫຍາຍບົດບາດແກ້ໄຂວິກິດການເຂດຕາເວັນອອກກາງແລະຊຸກຍູ້ການພັດທະນາໃນພາກພື້ນຫຼາຍກວ່າເກົ່າ.