ຕາມຂ່າວ CRI: ສະຖານີໂທລະພາບ Nice TV ທີ່ກະຊວງພາຍໃນກຳປູເຈຍແລະກຸ່ມບໍລິສັດການລົງທຶນວັດທະນະທຳຊິນຢິງສຽງກວາງຊີຈີນຮ່ວມກັນລົງທຶນນັ້ນໄດ້ຈັດພິທີຊົມເຊີຍຜົນສຳເລັດການກໍ່ສ້າງຢູ່ພະນົມເປັນໃນວັນທີ 27 ກັນຍານີ້.
ທ່ານຊາເຄັງ ຮອງນາຍົກລັດຖະມົນຕີທັງເປັນລັດຖະມົນຕີກະຊວງພາຍໃນກຳປູເຈຍກ່າວໃນພິທີດັ່ງກ່າວວ່າ, ຜົນສຳເລັດໃນການກໍ່ສ້າງສະຖານີໂທລະພາບ Nice TV ໄດ້ສະແດງໃຫ້ເຫັນຄວາມປາຖະໜາອັນແຮງກ້າທີ່ສື່ມວນຊົນສອງປະເທດໄດ້ຮ່ວມມືກັນມາຢ່າງຍາວນານໃນຂົງເຂດໂທລະພາບ, ແລະໃນຖານະເປັນສະຖານີໂທລະພາບຮ່ວມມືລະຫວ່າງຈີນ-ກຳປູເຈຍແຫ່ງທຳອິດ, ສະຖານີໂທລະພາບນີ້ບໍ່ພຽງແຕ່ຈະກະຈາຍຂໍ້ມູນຂ່າວສານໄດ້ຢ່າງວ່ອງໄວແລະເປັນຈິງໃຫ້ແກ່ປະຊາຊົນກຳປູເຈຍເທົ່ານັ້ນ, ຫາກຍັງຈະເສີມຂະຫຍາຍບົດບາດສຳຄັນໃນການກະຈາຍຂໍ້ມູນດ້ານກົດໝາຍ, ຄວາມປອດໄພແລະອື່ນໆ, ແລະນີ້ແມ່ນສັນຍະລັກໜຶ່ງທີ່ສອງປະເທດໄດ້ຮ່ວມມືທີ່ດີງາມໃນຂົງເຂດສື່ມວນຊົນແລະວັດທະນະທຳ.
ສະຖານີໂທລະພາບ Nice TV ເລີ່ມທົດລອງອອກອາກາດໃນເດືອນເມສາ 2017 ເປັນຕົ້ນມາ, ແລະອອກອາກາດຕະຫຼອດ 24 ຊົ່ວໂມງດ້ວຍພາສາກຳປູເຈຍ.