ໝີແພນດາ "ໄສເທົາ" ກັບ "ຮູຊູ່ນ" ຈາກສູນຄົ້ນຄວ້າອານຸລັກໝີແພນດາຈີນທີ່ປັດຈຸບັນອາຍຸ 7 ປີແລ້ວ, ພວກມັນຈະໄປອິນໂດເນເຊຍດ້ວຍຈຸດປະສົງເພື່ອການຮ່ວມມືຄົ້ນຄວ້າເປັນເວລາ 10 ປີ ແລະໃນຕອນບ່າຍວັນທີ 27 ກັນຍານີ້ ຢູ່ສູນດັ່ງກ່າວ, ພະນັກງານໄດ້ຈັດພິທີສົ່ງໂດຍຄາດວ່າໃນເວລາ 4:10 ໂມງຂອງວັນທີ 28 ກັນຍານີ້, ຈະສົ່ງໄປເຖິງນະຄອນຫຼວງຈາກາຕາອິນໂດເນເຊຍ.
ນີ້ແມ່ນການເດີນທາງໄປດຳລົງຊີວິດຢູ່ອິນໂດເນເຊຍເປັນຄັ້ງທຳອິດ ແລະເພື່ອຕ້ອນຮັບ "ໄສເທົາ" ກັບ "ຮູຊູ່ນ", ສວນສັດອິນໂດເນເຊຍໄດ້ກໍ່ສ້າງຫໍໝີແພນດາໃໝ່ໃນເນື້ອທີ່ 4800 ຕາແມັດ ໂດຍໃຊ້ເວລາ 3 ປີ, ໃນນີ້ ໄດ້ສ້າງເສັ້ນທາງເຖິງຈອມພູເປັນເວລາ 1 ປີ, ການສ້າງຫໍໝີແພນດາຢູ່ຈອມພູສູງກວ່າ 1700 ແມັດກໍເພື່ອໃຫ້ມີສະພາບແວດລ້ອມຄ້າຍຄືກັນກັບຢູ່ບ້ານເກີດເມືອງນອນຂອງ "ໄສເທົາ" ແລະ "ຮູຊູ່ນ".