ສານດີກາພະແນກຄະດີອາຍາຂອງຜູ້ດຳລົງຕຳແໜ່ງທາງການເມືອງໄທ ໄດ້ຕັດສິນຕັດອິດສະຫຼະພາບລັບຫຼັງທ່ານນາງ ຍິ່ງລັກ ຊິນນະວັດ ອະດີດນາຍົກລັດຖະມົນຕີ ຕິດຄຸກ 5 ປີດ້ວຍໂທດປະລະໜ້າທີ່, ປ່ອຍໃຫ້ມີການສໍ້ລາດບັງຫຼວງ ແລະອື່ນໆໃນວັນທີ 27 ກັນຍານີ້.
ຕາມລັດຖະທຳມະນູນໄທສະບັບປັດຈຸບັນ, ຫຼັງຈາກສານດີກາຕັດສິນຄະດີອາຍາຂອງນັກການເມືອງແລ້ວ, ຈຳເລີຍສາມາດອຸທອນຕໍ່ພາກສ່ວນທີ່ກ່ຽວຂ້ອງຂອງສານໄດ້ພາຍໃນ 30 ວັນ. ແນວໃດກໍດີ, ທະນາຍຄວາມຂອງທ່ານນາງ ຍິ່ງລັກ ໄດ້ກ່າວຫຼັງຕັດສິນວ່າ, ປັດຈຸບັນ, ຍັງຕ້ອງສືບຕໍ່ສຶກສາລາຍລະອຽດຂອງຄຳພິພາກສາຂອງສານດັ່ງກ່າວ.