ທ່ານ ແດນຟິນ ໂລເຣັນຊານາ ລັດຖະມົນຕີກະຊວງປ້ອງກັນປະເທດຟິລິບປິນກ່າວໃນວັນທີ 27 ກັນຍານີ້ວ່າ, ກອງທັບລັດຖະບານອາດຈະດັບສູນກຸ່ມປະກອບອາວຸດທີ່ຍັງດື້ດ້ານຢູ່ເມືອງມາລາວີພາຍໃນສາມມື້ ແລະຈະເປັນການສິ້ນສຸດການສູ້ຮົບທີ່ໄດ້ຍືດເຍື້ອມາເປັນເວລາ 4 ເດືອນຢູ່ເມືອງດັ່ງກ່າວ.
ທ່ານ ໂລເຣັນຊານາ ໃຫ້ສຳພາດຕໍ່ນັກຂ່າວຢູ່ນະຄອນຫຼວງມະນີລາໃນມື້ດັ່ງກ່າວວ່າ, ອີງຕາມບົດປະເມີນຂອງກອງບັນຊາການແນວໜ້າ, ການສູ້ຮົບຈະສິ້ນສຸດລົງກ່ອນວັນທີ 30 ເດືອນນີ້. ປັດຈຸບັນ, ກຸ່ມປະກອບອາວຸດທີ່ຫຼົງເຫຼືອນັ້ນ ກໍບໍ່ເຖິງ 100 ຄົນ ແລະຄວບຄຸມພື້ນທີ່ໄດ້ບໍ່ເທົ່າໃດແລະກໍນັບມື້ແຄບລົງ.