ໜັງສືພິມວຽງຈັນທາມລາຍງານໃນວັນທີ 27 ກັນຍານີ້ວ່າ, ຄະນະກຳມະການບໍລິຫານທະນາຄານພັດທະນາອາຊີໄດ້ເຫັນດີສະນອງທຶນ 421 ລ້ານໂດລາສະຫະລັດເພື່ອສະໜັບສະໜູນຍຸດທະສາດຄູ່ຮ່ວມມືກັບຕ່າງປະເທດຂອງລາວພາຍໃນ 4 ປີ. ຍຸດທະສາດດັ່ງກ່າວຈະຊ່ອຍປະເທດລາວບັນລຸການພັດທະນາແບບຍືນຍົງແລະກວມລວມດ້ວຍການຊຸກຍູ້ເສດຖະກິດໃນຫຼາຍຮູບແບບ, ເພີ່ມການຄ້າລະຫວ່າງລາວກັບປະເທດໃກ້ຄຽງ, ຊຸກຍູ້ການລົງທຶນຂອງສ່ວນຊຸກຄົນໃນວິສາຫະກິດຂະໜາດກາງແລະນ້ອຍແລະຮູບການຕ່າງໆ.
ທະນາຄານພັດທະນາອາຊີລາຍງານວ່າ, 10 ປີຜ່ານມາ, ເສດຖະກິດລາວໄດ້ເຕີບໂຕຢ່າງໝັ້ນທ່ຽງ, ໂດຍເຫັນໄດ້ແຕ່ປີ 2011 ຫາປີ 2016 ເຕີບໂຕ 7,5% ຕໍ່ປີ, ຂະນະທີ່ GDP ສະເລ່ຍຕາມຫົວຄົນເພີ່ມຈາກ 621 ໂດລາເມື່ອປີ 2006 ຂຶ້ນເປັນ 2027 ໂດລາໃນປີ 2016.
 |
