ສະຖານທູດຈີນປະຈຳໄທຖະແຫຼງໃນວັນທີ 28 ກັນຍານີ້, ໂດຍເຕືອນໃຫ້ນັກທ່ອງທ່ຽວຈີນທີ່ຈະໄປທ່ຽວປະເທດໄທໃນໄວໆນີ້ຄວນປະຕິບັດຕາມກົດລະບຽບ, ປະເພນີຂອງໄທໃນໄລຍະປົງສົບອະດີດເຈົ້າຊີວິດໄທພູມີພົນ ອະດຸນຍະເດດ, ແລະເອົາໃຈໃສ່ຕໍ່ຂໍ້ມູນຂ່າວສານເລື່ອງດັ່ງກ່າວ, ລວມທັງການວາງແຜນການທ່ອງທ່ຽວລ່ວງໜ້າໃຫ້ດີ.
ຫວ່າງມໍ່ໆມານີ້ລັດຖະບານໄທເປີດເຜີຍວ່າ, ຈະຈັດພິທີປົງສົບອະດີດເຈົ້າຊີວິດພູມີພົນ ອະດຸນຍະເດດແຕ່ວັນທີ 25 ຫາວັນທີ 29 ຕຸລາໜ້າ. ໂດຍໃນໄລຍະນັ້ນ, ຖະໜົນແລະເຂດບາງກອກຈຳນວນໜຶ່ງຈະປະຕິບັດມາດຕະການຄວບຄຸມລະບົບຄົມມະນາຄົມຊົ່ວຄາວ, ນັກທ່ອງທ່ຽວຄວນເອົາໃຈໃສ່ຕໍ່ການປະກາດແຈ້ງການຫຼ້າສຸດຂອງລັດຖະບານໄທແລະປະຕິບັດຕາມການແນະນຳຂອງເຈົ້າໜ້າທີ່ໄທ.
ຖະແຫຼງການລະບຸຕື່ມວ່າ, ໃນພິທີປົງສົບ 5 ວັນ, ແຫຼ່ງທ່ອງທ່ຽວແຫ່ງຕ່າງໆຂອງໄທຈະເປີດບໍລິການເປັນປົກກະຕິ, ທະນາຄານ, ໂຮງໝໍ, ຮ້ານຄ້າແລະຮ້ານສັບພະສິນຄ້າແລະອື່ນໆກໍຈະເປີດບໍລິການເປັນປົກກະຕິເຊັ່ນດຽວກັນ.