ສູນຄົ້ນຄວ້າແມ່ນ້ຳຂອງໂລກໄດ້ສ້າງຕັ້ງຂຶ້ນຢູ່ນະຄອນຫຼວງພະນົມເປັນປະເທດກຳປູເຈຍຢ່າງເປັນທາງການໃນວັນທີ 28 ກັນຍານີ້, ເຊິ່ງເປັນສ່ວນໜຶ່ງໃນຂໍ້ລິເລີ່ມສຳຄັນທີ່ຈີນສະເໜີເພື່ອຊຸກຍູ້ການຮ່ວມມືແມ່ນ້ຳລ້ານຊ້າງ-ແມ່ນ້ຳຂອງໂດຍທ່ານປະທານສະຖາບັນຄົ້ນຄວ້າການຮ່ວມມືແລະສັນຕິພາບກຳປູເຈຍ, ທ່ານໂຈເວິນຊິງ ທີ່ປຶກສາທູດການເມືອງສະຖານທູດຈີນປະຈຳກຳປູເຈຍ, ທ່ານຢົງອິ່ງ ຫົວໜ້າສູນຈີນສູນຄົ້ນຄວ້າແມ່ນ້ຳຂອງໂລກແລະຜູ້ຕາງໜ້າຄັງປັນຍາທີ່ມີຊື່ສຽງຈາກລາວ, ມຽນມາ, ໄທແລະຫວຽດນາມເຂົ້າຮ່ວມພິທີດັ່ງກ່າວ.
ທ່ານຢົງອິ່ງ ກ່າວວ່າ, ການທີ່ສ້າງສູນຄົ້ນຄວ້າແມ່ນ້ຳຂອງໂລກຂຶ້ນນີ້ຖືວ່າເປັນສ່ວນໜຶ່ງໃນຂໍ້ລິເລີ່ມທີ່ຈີນສະເໜີໃນກອງປະຊຸມລັດຖະມົນຕີການຕ່າງປະເທດຄັ້ງທີສອງວ່າດ້ວຍການຮ່ວມມືແມ່ນ້ຳລ້ານຊ້າງ-ແມ່ນ້ຳຂອງ, ເຊິ່ງໄດ້ຮັບການຕອບຮັບເປັນຢ່າງດີຈາກຝ່າຍຕ່າງໆ. ຈາກການຊີ້ນຳພາຍໃຕ້ນ້ຳໃຈແມ່ນ້ຳລ້ານຊ້າງ-ແມ່ນ້ຳຂອງ, ສູນຄົ້ນຄວ້າດັ່ງກ່າວຈະກາຍເປັນເວທີຄົ້ນຄວ້າຮ່ວມມື, ເຄື່ອງມືເພີ່ມຄວາມສາມາດໃນການຄົ້ນຄວ້າແລະຈະສະໜອງສະຕິປັນຍາຢ່າງໝັ້ນແກ່ນໃຫ້ແກ່ການຮ່ວມມືແມ່ນ້ຳລ້ານຊ້າງ-ແມ່ນ້ຳຂອງ.