ຄະນະທູດຈີນປະຈຳອາຊຽນແລະສະຖານທູດປະຈຳອິນໂດເນເຊຍ ໄດ້ຈັດງານລ້ຽງຮັບຮອງຢູ່ນະຄອນຫຼວງຈາກາຕາໃນຕອນຄ່ຳວັນທີ 28 ກັນຍານີ້ ເພື່ອສະເຫຼີມສະຫຼອງວັນສ້າງຕັ້ງ ສປ ຈີນຄົບຮອບ 68 ປີ. ໃນໂອກາດດັ່ງກ່າວ, ທ່ານ ຊີປູ້ ເອກອັກຄະລັດຖະທູດຈີນປະຈຳອາຊຽນ ແລະທ່ານນາງ ຣີນີ ໂຊມາໂນ ລັດຖະມົນຕີກະຊວງລັດວິສາຫະກິດອິນໂດເນເຊຍ ຕ່າງກໍໄດ້ຍົກໃຫ້ເຫັນຄວາມໝາຍຄວາມສຳຄັນຂອງວັນດັ່ງກ່າວ, ຂະນະດຽວກັນ, ທ່ານ ຮາບີບີ ອະດີດປະທານາທິບໍດີອິນໂດເນເຊຍພ້ອມດ້ວຍທູຕານຸທູດບັນດາປະເທດປະຈຳອິນໂດເນເຊຍແລະປະຈຳອາຊຽນ, ຜູ້ຕາງໜ້າອົງການຈັດຕັ້ງສັງຄົມຈີນ ແລະບຸກຄົນມິດຕະພາບໃນວົງການຕ່າງໆ 1200 ກວ່າທ່ານເຂົ້າຮ່ວມ.
ທ່ານ ຊີປູ້ ເອກອັກຄະລັດຖະທູດຈີນປະຈຳອາຊຽນກ່າວວ່າ, ຈີນເປັນຄູ່ຄ້າໃຫຍ່ອັນດັບໜຶ່ງຂອງອາຊຽນ 8 ປີຕິດຕໍ່ກັນ ແລະອາຊຽນກໍເປັນຄູ່ຄ້າໃຫຍ່ອັນດັບ 3 ຂອງຈີນ 6 ປີຕິດຕໍ່ກັນ ໂດຍປີຜ່ານມາ, ບຸກຄະລາກອນສອງຝ່າຍໄດ້ໄປມາຫາສູກັນຫຼາຍກວ່າ 38 ລ້ານເທື່ອຄົນ ແລະຈີນໄດ້ກາຍເປັນແຫຼ່ງນັກທ່ອງທ່ຽວຕ່າງປະເທດໃຫຍ່ອັນດັບໜຶ່ງຂອງອາຊຽນ.
ທ່ານນາງ ຣີນີ ກ່າວວ່າ, ອິນໂດເນເຊຍແລະຈີນ ເປັນຄູ່ພັດທະນາທີ່ສຳຄັນ, ສອງຝ່າຍສາມາດຂະຫຍາຍການຮ່ວມມືໃນສການເຊື່ອມຈອດພື້ນຖານໂຄງລ່າງ, ການຈໍລະຈອນສິນຄ້າ, ການທ່ອງທ່ຽວ, ການຄ້າ ແລະອື່ນໆໃຫ້ກ້າວສູ່ລວງເລິກຕື່ມອີກ.
 |
