ພາຍຫຼັງສຳເລັດວາລະຕ່າງໆໃນກອງຄົບຄະນະອົງການຕຳຫຼວດອາຍາສາກົນຄັ້ງທີ 86 , ກອງປະຊຸມດັ່ງກ່າວກໍໄດ້ປິດລົງຢ່າງຈົບງາມຢູ່ນະຄອນຫຼວງປັກກິ່ງ ສປ ຈີນໃນຕອນເຊົ້າວັນທີ 29 ກັນຍານີ້.
ກອງປະຊຸມໄດ້ຮັບຮອງເອົາເອກະສານສັນຍາວ່າດ້ວຍຄວາມໝັ້ນຄົງໂລກຂອງອົງການຕຳຫຼວດອາຍາສາກົນ, ທັງໄດ້ດັດແກ້ກົດລະບຽບແລະໄດ້ກຳນົດອາຍຸຕຳແໜ່ງຂອງເລຂາທິການໃຫຍ່ອົງການດັ່ງກ່າວ, ຂະນະດຽວກັນໄດ້ເລືອກຕັ້ງຄະນະກຳມະການບໍລິຫານງານຊຸດໃໝ່, ຮັບຮອງມາດຕະຖານການເຂົ້າເປັນສະມາຊິກອົງການຕະຫຼວດອາຍາສາກົນ, ຮັບຮອງເອົາປາແລັສຕິນແລະໝູ່ເກາະໂຊໂລມອນເຂົ້າເປັນສະມາຊິກໃໝ່. ກອງປະຊຸມຍັງໄດ້ຜ່ານບົດລາຍງານຄວາມເປັນໄປໄດ້ທີ່ສ້າງຕັ້ງສູນຄົ້ນຄວ້າຍຸດທະສາດອົງການຕຳຫຼວດອາຍາສາກົນແລະມະຕິ ຕັ້ງກອງທຶນຊ່ອຍເຫຼືອຄອບຄົວຕຳຫຼວດທີ່ເສຍຊີວິດ, ປຶກສາຫາລືແລະດັດແກ້ລະບຽບການສຳຄັນຈຳນວນໜຶ່ງຂອງອົງການດັ່ງກ່າວ.
ທ່ານເມີ້ງຫົງເຫວີຍ ປະທານອົງການຕຳຫຼວດອາຍາສາກົນ, ຮອງລັດຖະມົນຕີກະຊວງປ້ອງກັນຄວາມສະຫງົບຈີນໄດ້ເປັນປະທານພິທີຜົນສຳເລັດກອງປະຊຸມດັ່ງກ່າວ.
ຂ່າວແຈ້ງວ່າ, ກອງປະຊຸມຄົບຄະນະຂອງອົງການຕຳຫຼວດອາຍາສາກົນຄັ້ງທີ 87 ຈະຈັດຂຶ້ນຢູ່ດູໄບປະເທດສະຫະລັດອາຣັບເອມີເຣດໃນປີ 2018.