ທ່ານ ຄາລົສ ໂດມິນໂກສ ລັດຖະມົນຕີກະຊວງການເງິນຟິລິບປິນ ກ່າວຢູ່ນະຄອນຊຽງໄຮໃນວັນທີ 29 ກັນຍານີ້ວ່າ, ນັບແຕ່ຈີນສະເໜີຂໍ້ລິເລີ່ມ "ໜຶ່ງແລວທາງໜຶ່ງເສັ້ນທາງ" ເປັນຕົ້ນມາ, ສາຍພົວພັນສອງປະເທດນັບມື້ມີຄວາມໃກ້ຊິດກັນຫຼາຍຂຶ້ນ.
ທ່ານ ຄາລົສ ໂດມິນໂກສ ກ່າວຕື່ມວ່າ, ຫຼາຍປີຜ່ານມາ, ສອງປະເທດໄດ້ພັດທະນາກົນໄກສອງຝ່າຍຢ່າງຫຼວງຫຼາຍ ເຊິ່ງໄດ້ຊ່ວຍສອງປະເທດສ້າງການພົວພັນຄູ່ຮ່ວມມືທີ່ໝັ້ນຄົງແລະໃກ້ຊິດສຳເລັດຜົນ. ຂະນະດຽວກັນ, ເສດຖະກິດປະເທດຕົນກໍໄດ້ຮັບຜົນປະໂຫຍດຈາກການລົງທຶນຢ່າງຫຼວງຫຼາຍຂອງວິສາຫະກິດຈີນ ພ້ອມດ້ວຍນັກທ່ອງທ່ຽວຈີນ ແລະຄາດວ່າອີກບໍ່ເທົ່າໃດປີ, ຈີນຈະກາຍເປັນແຫຼ່ງນັກທ່ອງທ່ຽວຕົ້ນຕໍຂອງປະເທດຕົນ.
ທ່ານ ຄາລົສ ໂດມິນໂກສ ຍັງກ່າວວ່າ, ໃນ 10 ປີຕໍ່ໜ້າ, ຂ້າພະເຈົ້າເຊື່ອໝັ້ນວ່າ, ການຮ່ວມມືເສດຖະກິດລະຫວ່າງສອງປະເທດ ຈະກາຍເປັນພະລັງຊຸກຍູ້ການເຕີບໂຕຂອງພາກພື້ນ.
ທ່ານ ຄາລົສ ໂດມິນໂກສ ໄດ້ໃຫ້ທັດສະນະດັ່ງກ່າວໃນໂອກາດແນະນຳສະພາບເສຖະກິດທີ່ຈັດຂຶ້ນໂດຍທະນາຄານຈີນ ເຊິ່ງເປັນກິດຈະກຳຄັ້ງທີ 3 ໃນກິດຈະກຳຕ່າງໆຂອງເຈົ້າໜ້າທີ່ເສດຖະກິດການເງິນຟິລິບປິນ.