ຈີນ​ຈະ​ເລັ່ງພັດ​ທະ​ນາ​ເຕັກ​ນິກ​ການ​ສື່​ສານ​ເຄື່ອນ​ທີ່​ຣຸນ​ທີ 5 ແລະອິນ​ເຕີ​ເນັດ​ລຸ້ນ​ໃໝ່
2017-10-01 15:29:33  cri 

ຕາມ​ຂ່າວCRI:ທ່ານ​ເສີນ​ຈາວ​ຊອງ, ຮອງລັດ​ຖະ​ມົນ​ຕີ​​ກະ​ຊວງ​ອຸດ​ສາ​ຫະ​ກຳ​ແລະເຕັກ​ໂນ​ໂລ​ຊີຂໍ້​ມູນ​ຂ່າວ​ສານ​ຈີນ​ກ່າວ​​ຫວ່າງມໍ່ໆ​ນີ້​ວ່າ, ຈີນ​ຈະ​ສຸມ​ໃສ່​ເພີ່ມ​​ຄວາມ​ໄວ​ແລະ​ຫຼຸດຄ່າ​ບໍ​ລິ​ການ​ຂອງ​ອິນ​ເຕີ​ເນັດ​ຢ່າງ​ຕໍ່​ເນື່ອງ, ທັງເລັ່ງ​ພັດ​ທະ​ນາ​ແລະ​ປະ​ຍຸກ​ໃຊ້​ເຕັກ​ນິກ​ການ​ສື່​ສານ​ເຄື່ອນ​ທີ່​ຣຸນ​ທີ 5 ຫຼື 5g, ອິນ​ເຕີ​ເນັດ​ຣຸນ​ໃໝ່, ແລະອິນ​ເຕີ​ເນັດ​ອຸດ​ສາ​ຫະ​ກຳ, ​ຊຸກ​ຍູ້​ໃຫ້​ເສດ​ຖະ​ກິດດີ​ຈີ​ຕອນ​ມີ​ຄວາມ​ຈະ​ເລີນ​ຮຸ່ງ​ເຮືອງຍິ່ງ​ຂຶ້ນ.

ທ່ານ​ເສີນ​ຈາວ​ຊອງ​ໄດ້​ໃຫ້​ທັດ​ສະ​ນະ​ດັ່ງ​ກ່າວ​ຂະ​ນະ​ເຂົ້າ​ຮ່ວມ​ງານ​ວາງ​ສະ​ແດງ​ຂໍ້​ມູນ​ຂ່າ​ວ​ສານ​ແລະການ​ສື່​ສານສາ​ກົນ​ຈີນ​ປີ 2017 ທີ່​ຈັດ​ຂຶ້ນ​​ຫວ່າງ​​ບໍ່​ດົນມາ​ນີ້​.

​ຂ່າວ​ລາຍ​ງານ​ຕື່ມ​ວ່າ, ອຸດ​ສາ​ຫະ​ກຳ​ຂໍ້​ມູນ​ຂ່າວ​ສານ​ແລະ​ການ​ສື່​ສານຂອງ​ຈີນ​ໄດ້​ຮັບ​ການ​ພັດ​ທະ​ນາ​ຢ່າງວ່ອງ​ໄວແລະ​ຕໍ່​ເນື່ອງ, ໂດຍ​ເຫັນ​ໄດ້​ຈາກ​ປີ 2016, ຍອດ​ປະ​ລິ​ມານ​ເສດ​ຖະ​ກິດ​ດີ​ຈີ​ຕອນໄດ້​ບັນ​ລຸ​ເຖິງ 22600
ຕື້ຢວນ. ຂະ​ນະ​ທີ່​ການ​ຄົ້ນ​ຄວ້າ​ເຕັ້ກ​ໂນ​ໂລ​ຊີ, ແລະ​ວາງ​ມາດ​ຕະ​ຖານ​ 5g ແລະ​ອິນ​ເຕີ​ເນັດ​ຣຸນ​ໃໝ່ກໍ​ພັດ​ທະ​ນາ​ກ້າວ​ຢູ່​ແຖວ​ໜ້າ​ໂລກ.

ໃນ​ງານ​ວາງ​ສະ​ແດງ​ດັ່ງ​ກ່າວ, ບໍ​ລິ​ສັດ​ຫວາ​ເຫວີຍ​ໄດ້​ສະ​ແດງ​ຜົນ​ສຳ​ເລັດ​ການ​ຄົ້ນ​ຄວ້າ​ພັດ​ທະ​ນາ​ເຕັກ​ນິກ 5 gແລະ​ການ​ປະ​ຍຸກ​ໃຊ້​ເຕັກ​ນິກລົດ​ຮັບ​ສົ່ງ​ສັນ​ຍານອິນ​ເຕີ​ເນັດ, ນະ​ວັດ​ຕະ​ກຳ​ສະ​ມາດ​ແລະ​​ອື່ນໆ.


ງານ​ວາງ​ສະ​ແດງ​ຄັ້ງ​ນີ້​ໄດ້​ເນັ້ນ​ຫົວ​ຂໍ້ "ຊຸກ​ຍູ້​ການ​ເຊື່ອມ​ຈອດ​ແລະ​​ປະ​ດິດ​ສ້າງ​ໃໝ່, ສ້າງ​ປະ​ເທດ​ເຂັ້ມ​ແຂງ​ດ້ານ​ອິນ​ເຕີ​ເນັດ", ​ມີ​ວິ​ສາ​ຫະ​ກິດ​ທີ່​ມີ​ຊື່​ສຽງ 400 ກວ່າ​ແຫ່ງ​​ຈາກ 10 ກວ່າ​ປະ​ເທດ​ແລະ​ເຂດ​ແຄ້ວນ​​ເຂົ້າ​ຮ່ວມ.

ຂ່າວ-ບົດທີ່ກ່ຽວຂ້ອງ
ຜູ້ດຳເນີນລາຍການ