(ເບຼຊິນສະຖິດຮູບປັ້ນຂົງຈືຕັ້ຢູ່ເມືອງຄູລີດີບາ)
ຕາມຂ່າວ CRI: ວັນທີ 30 ກັນຍາ ຕາມເວລາທ້ອງຖີ່ນ, ເມືອງຄູລີດີບາ ທາງພາກໃຕ້ຂອງເບຼຊິນໄດ້ຈັດພິທີຕັ້ງຊື່ໃຫ້ສະໜາມຫຼວງແຫ່ງໜຶ່ງເປັນ ສະໜາມຫຼວງຈີນ ຮູບປັ້ນຂົງຈື້ ທີ່ເປັນຜົນງານຂອງທ່ານອູເວີຍຊານ ຫົວໜ້າຫໍວິຈິດຕະກຳຈີນກໍ່ຈະຖືກສະຖິດຢູ່ສະໜາມຫຼວງຈີນ ໂດຍເປັນສັກຂີພິຍານແຫ່ງມິດຕະພາບລະຫວ່າງຈີນ-ເບຼຊິນ.
ທ່ານລີຈິນຈ່າງ ເອກອັກຄະລັດຖະທູດຈີນປະຈຳເບຼຊິນຊີ້ ວ່າ, ສະໜາມຫຼວງຈີນໄດ້ສະແດງໃຫ້ເຫັນເຖິງຄວາມນິຍົມວັດທະນະທຳຈີນຂອງປະຊາຊົນເບຼຊິນ, ແລະໄດ້ສະແດງໃຫ້ເຫັນເຖິງຄວາມເປີດເຜີຍແລະຄວາມໂອບອ້ອມອາລີຂອງວັດທະນະທຳທີ່ມີຫຼາກຫຼາຍສີສັນຈຂອງເບຼຊິນ. ແນວຄິດ ແລະວັດທະນະທຳດັ້ງເດີມຂອງຈີນທີ່ມີຂົງຈືເປັນຕົວແທນນັ້ນ ກັບແນວຄິດວັດທະນະທຳຂອງເບຼຊິນມີຄວາມຄ້າຍຄືກັນຫຼາຍ. ເຊື່ອວ່າ ສະໜາມຫຼວງຈີນຈະກາຍເປັນພາບສວຍງາມແຫ່ງໜຶ່ງໃນວັດທະນະທຳຄູລີດີບາທີ່ມີຫຼາກຫຼາຍສີສັນ, ແລະກາຍເປັນສັນຍະລັກໃຫ້ແກ່ປະຊາຊົນເບຼຊິນຊອກຮູ້ວັດທະນະທຳຈີນ.
ທ່ານຊາ ເລທາວ ລັດຖະມົນຕີກະຊວງວັດທະນະທຳເບຼຊິນເຫັນວ່າ, ສິລະປະສາມາດເຮັດໃຫ້ຄົນກັບຄົນ ແລະປະເທດກັບປະເທດມີຄວາມໃກ້ຊິດແໜ້ນແຟ້ນຂຶ້ນຕື່ມ ຂະນະທີ່ສະໜາມຫຼວງຈີນກໍ່ແມ່ນຄວາມກ້າວໜ້າທີ່ສຳຄັນໃນການແລກປ່ຽນວັດທະນະທຳລະຫວ່າງຈີນ-ເບຼຊິນ.