ຕາມຂ່າວCRI：ວັນທີ 1 ຕຸລານີ້, ຈີນແລະສະຫະພັນເສດຖະກິດເອີຣົບອາຊີໄດ້ຮ່ວມກັນລົງນາມໃນ "ຖະແຫຼງການຮ່ວມກ່ຽວກັບການສຳເລັດການເຈລະຈາສັນຍາການຮ່ວມມືດ້ານເສດຖະກິດການຄ້າລະຫວ່າງຈີນກັບສະຫະພັນເສດຖະກິດເອີຣົບອາຊີຫຼື EAEU ຢ່າງທາດຈິງ", ນີ້ແມ່ນຈີນແລະ EAEU ສາມາດບັນລຸການວາງລະບຽບການເສດຖະກິດການຄ້າທີ່ສຳຄັນເປັນຄັ້ງທຳອິດ.
ຈີນແລະ EAEU ກໍຄືມາຊິກຂອງ EAEU ແມ່ນຄູ່ຮ່ວມມືທີ່ສຳຄັນເຊິ່ງກັນແລະກັນ, ມີຄວາມຊ່ອຍຊູຍູ້ໜູນກັນຫຼາຍໃນດ້ານເສດຖະກິດ, ມີກຳລັງບົ່ມຊ້ອນທີ່ມະຫາສານໃນການຮ່ວມມືດ້ານເສດຖະກິດ, ການບັນລຸສັນຍາມີຄວາມໝາຍສຳຄັນຕໍ່ຈີນແລະສະມາຊິກຕ່າງໆຂອງ EAEU ໂດຍຈະຫຼຸດກຳແພງການຄ້າບໍ່ແມ່ນດ່ານພາສີໃຫ້ໜ້ອຍລົງຕື່ມອີກ, ເຮັດໃຫ້ການຄ້າມີຄວາມສະດວກຍິ່ງຂຶ້ນ, ສ້າງສະພາບແວດລ້ອມທີ່ດີໃຫ້ແກ່ການພັດທະນາອຸດສາຫະກຳ, ຊຸກຍູ້ການເຊື່ອມຕໍ່ແລະຮ່ວມມືລະຫວ່າງການສ້າງ "ໜຶ່ງແລວທາງໜຶ່ງເສັ້ນທາງ"ແລະການສ້າງ EAEU, ຊຸກຍູ້ໃຫ້ການພົວພັນດ້ານເສດຖະກິດການຄ້າລະຫວ່າງຈີນແລະ EAEU ກໍຄືສະມາຊິກຂອງ EAEU ພັດທະນາເຂົ້າສູ່ລວງເລິກ.
