(ນັກວິທະຍາສາດອາເມລິກາ 3 ຄົນໄດ້ຮັບລາງວັນໂນແບນສາຂາສະລີລະສາດແລະແພດສາດ 2017)
ວັນທີ 2 ຕຸລານີ້, ສະຖາບັນແພດສາດກຼາໂລລິນສກາຂອງຊູແອດໄດ້ປະກາດ, ມອບລາງວັນໂນແບນສາຂາສະລີລະສາດແລະແພດສາດປີ 2017 ໃຫ້ແກ່ນັກວິທະຍາສາດອາເມລິກາສາມທ່ານຄື: ທ່ານເຈຝຣີ ໂຮນ, ທ່ານແມັກໂຄວ ໂລສບັສ ແລະທ່ານແມັກໂຄວ ຢາງ ເພື່ອເປັນການຊົມເຊີຍຕໍ່ຜົນງານທີ່ສາມທ່ານໄດ້ຮັບໃນການຄົ້ນຄວ້າກົນໄກໂມເລກຸນໃນການໝູນເດີນໂມງຊີວະພາບ.
ກຳມະການປະກວດຊີ້ວ່າ, ແຕ່ກ່ອນ ຄົນທັງຫຼາຍຮູ້ວ່າ, ຢູ່ໃນສັດສາວນາສິ່ງຕ່າງໆ ລວມທັງຮ່າງກາຍຂອງມະນຸດລ້ວນແຕ່ມີໂມງຊີວະພາບ, ແຕ່ພັດບໍ່ ຮູ້ຫຼັກມູນການໝູນເດີນຂອງມັນເປັນຄືແນວໃດ. ນັກວິທະຍາສາດສາມທ່ານດັ່ງກ່າວໄດ້ເອົາແມງຫວີ່ເປັນເປົ້າໝາຍການທົດລອງ, ແລະສາມາດແຍກແຊັນທີ່ຄວບຄຸມການເຄື່ອນໄຫວລະຫວ່າງກາງຄືນແລະກາງເວັນອອກມາໄດ້, ທັງເຜີຍໃຫ້ຮູ້ກົນໄກເຮັດວຽກຂອງທາດໂປຼຕິນທີ່ກ່ຽວຂ້ອງຈາກດ້ານໂມເລກຸນ.