ນັກວິຊາການອາເມລິກາຫຼາຍທ່ານwfhໃຫ້ສຳພາດຕໍ່ນັກຂ່າວຈີນເມື່ອບໍ່ດົນມານີ້ວ່າ: ໂດຍກ່າວວ່າ, ຍ້ອນເຕັກນິກການທະນາຄານຕ່າງໆເຊັ່ນການຊຳລະເງິນແບບດ້ວຍເອເລັກໂຕຼນິກໄດ້ຮັບການນຳໃຊ້ຢ່າງກວ້າງຂວາງ, ເຮັດໃຫ້ ການນຳໃຊ້ເຕັກນິກການທະນາຄານຂອງຈີນມີລະດັບສູງກວ່າປະເທດອື່ນ, ທັງເປັນເຕັກນິກທີ່ຕາງໜ້າທິດຂະຫຍາຍຕົວຂອງຂົງເຂດນີ້.
ທ່ານຈິມ ບຣູເອີນ ຜູ້ລິເລີ່ມສ້າງກອງປະຊຸມຟິໂນເວັດ (Finovate) ທີ່ເປັນກອງປະຊຸມສະແດງການປະດິດສ້າງດ້ານເຕັກນິກການທະນາຄານກ່າວວ່າ, ການນຳໃຊ້ເຕັກນິກການທະນາຄານຂອງຈີນໄດ້ກ້າວໜ້າກວ່າປະເທດອື່ນຢ່າງຫຼວງຫຼາຍແລ້ວ, ປັດຈຸບັນ ຈີນສາມາດສະໜອງການບໍລິການດ້ານການທະນາຄານແບບສະມາດທີ່ກ້າວໜ້າແລະ ສະດວກກວ່າໝູ່ ໂດຍສະເພາະແມ່ນການຄ້າຜ່ານສື່ສັງຄົມອ່ອນລາຍເຄື່ອນທີ່, ເຮັດໃຫ້ຈີນຢ່າງໜ້ອຍກ້າວໜ້າກວ່າອາເມລິກາ 5-6 ປີ.
ບົດລາຍງານຫຼ້າສຸດຂອງບໍລິສັດ ເອີນສເຕີ ເອັນ ຢົງ ທີ່ເປັນອົງການໃຫ້ການບໍລິການດ້ານຄຳປຶກສາທີ່ມີຊື່ສຽງໃນສາກົນໄດ້ຊີ້ໃຫ້ເຫັນວ່າ, ໃນການຈັດອັນດັບ 20 ຕະຫຼາດທີ່ນຳໃຊ້ເຕັກນິກການທະນາຄານທີ່ສຳຄັນ, ຈີນຖືກຈັດຢູ່ອັນດັບໜຶ່ງດ້ວຍອັດຕານຳໃຊ້ເຖິງ 69% ໃນປີ 2017.