ວັນທີ 2 ຕຸລານີ້ ກະຊວງການຕ່າງປະເທດຣັດເຊຍໄດ້ປະທ້ວງ, ອາເມລິກາທີ່ໄດ້ບຸກເຂົ້າສິ່ງກໍ່ສ້າງການຕ່າງປະເທດຫຼາຍແຫ່ງຂອງຣັດເຊຍທີ່ປະຈຳອາເມລິກາ ແລະດຳເນີນການກວດກາຢ່າງບັງອາດ, ການກະທຳແນວນີໄດ້ລະເມີດກົດໝາຍສາກົນຢ່າງໜັກໜ່ວງ, ກະຊວງການຕ່າງປະເທດຣັດເຊຍຈຶ່ງປະທ້ວງຢ່າງຮຸນແຮງຕໍ່ເລື່ອງນີ້.
ໃນວັນດັ່ງກ່າວ, ກະຊວງການຕ່າງປະເທດຣັດເຊຍໄດ້ຖະແຫຼງໂດຍຜ່ານເວັບໄຊທາງການຂອງຕົນວ່າ, ວັນທີ 2 ຕຸລານີ້ ເຈົ້າໜ້າທີ່ອາເມລິກາໄດ້ຍຶດເອົາເຮືອນທັງໝົດຂອງສະຖານກົງສຸນໃຫຍ່ຣັດເຊຍປະຈຳແຊັນຟຣານຊີສໂກ ລວມທັງເຮືອນຢູ່ຂອງພະນັກງານ. ກະຊວງການຕ່າງປະເທດຣັດເຊຍປະທ້ວງຢ່າງຮຸນແຮງຕໍ່ເລື່ອງນີ້.
ວັນທີ 31 ສິງຫາຜ່ານມາ, ກະຊວງການຕ່າງປະເທດອາເມລິກາແຈ້ງວ່າ ໂດຍເປັນການຕອບໂຕ້ຕໍ່ຣັດເຊຍທີ່ທວງໃຫ້ອາເມລິກາຫຼຸດຈຳນວນພະນັກງານຂອງອົງການການຕ່າງປະເທດປະຈຳຣັດເຊຍ, ອາເມລິກາກໍທວງໃຫ້ຣັດເຊຍຕ້ອງປິດສະຖານກົງສຸນໃຫຍ່ປະຈຳແຊັນ ຝຣານຊິສໂກແລະອົງການການຕ່າງປະເທດອື່ນໆປະຈຳວໍຊິງຕັນແລະນິວຢອກ. ອາເມລິກາຊີ້ວ່າ, ທັງນີ້ຈະໃຫ້ທັງສອງຝ່າຍອາເມລິກາແລະຣັດເຊຍຕ່າງຮັກສາສະຖານກົງສຸນ 3 ແຫ່ງເທົ່າທຽມ. ຫຼັງຈາກນັ້ນ ກະຊວງການຕ່າງປະເທດອາເມລິກາແຈ້ງວ່າອະນຸມັດໃຫ້ເຈົ້າໜ້າທີ່ການທູດຣັດເຊຍສາມາດຢູ່ສະຖານກົງສຸນໃຫຍ່ທີ່ແຊັນຝຣານຊີສໂກຈົນຮອດວັນທີ 1 ຕຸລານີ້.