ຕາມຂ່າວCRI: ສັບປະດາຄຳຂອງບຸນວັນຊາດປີນີ້ພໍດີພົບກັບບຸນໄຫວ້ພະຈັນອີກ, ຄາດວ່າການເດີນທາງທ່ອງທ່ຽວພາຍໃນປະເທດຈະບັນລຸປະມານ 7 ຮ້ອຍ 1 ແສນລ້ານເທື່ອຄົນ,ສົ່ງຜົນເຮັດໃຫ້ດ້ານຄວາມປອດໄພດ້ານການທ່ອງທ່ຽວປະສົບຄວາມກົດດັນເພີ່ມຂຶ້ນ. ແຫຼ່ງຂ່າວຈາກອົງການທ່ອງທ່ຽວແຫ່ງຊາດແລະຂະແໜງການອື່ນໆໃຫ້ຮູ້ໃນວັນທີ 2 ຕຸລານີ້ວ່າ, ພາກສ່ວນຕ່າງໆຢູ່ທ້ອງຖິ່ນຕ່າງໆຂອງຈີນຕ່າງກໍພະຍາຍາມສຸດຂີດເພື່ອເຮັດວຽກງານຄວາມປອດໄພດ້ານການທ່ອງທ່ຽວໃຫ້ດີ, ຮັບປະກັນໃຫ້ນັກທ່ອງທ່ຽວມີຄວາມສະບາຍໃຈໃນເວລາທ່ອງທ່ຽວ. ພ້ອມກັນນັ້ນ, ອົງການທາງລົດໄຟທ້ອງຖິ່ນຕ່າງໆກໍຈັດເພີ່ມກຳລັງຂົນສົ່ງເພື່ອຕອບສະໜອງຕາມຄວາມຕ້ອງການຂອງນັກທ່ອງທ່ຽວ.
ນອກນີ້, ແຫຼ່ງຂ່າວຈາກອົງການທາງລົດໄຟໃຫ້ຮູ້ຕື່ມວ່າ, ຄາດຄະເນວ່າວັນທີ 2 ຕຸລານີ້, ລົດໄຟທົ່ວປະເທດຈະຂົນສົ່ງນັກທ່ອງທ່ຽວ 12 ລ້ານເທື່ອຄົນ, ຕື່ມລົດໄຟໂດຍສານ 590 ຂະບວນ, ຂະນະທີ່ວັນທີ 1 ຕຸລານີ້, ລົດໄຟທົ່ວປະເທດໄດ້ຂົນສົ່ງຜູ້ໂດຍສານ 15 ລ້ານ 2 ໝື່ນ 5 ພັນເທື່ອຄົນ, ເພີ່ມຂຶ້ນ 6 ແສນ 8 ພັນເທື່ອຄົນຫຼື 4,2% ເມື່ອທຽບກັບໄລຍະດຽວກັນຂອງປີຜ່ານມາ, ສ້າງສະຖິຕິສູງສຸດໃນປະຫວັດການຂົນສົ່ງຜູ້ໂດຍສານໃນມື້ດຽວຂອງລົດໄຟທົ່ວປະເທດຈີນ, ຂະນະທີ່ການແລ່ນລົດໄຟຂົນສົ່ງໃນທົ່ວປະເທດມີຄວາມລະບຽບຮຽບຮ້ອຍ.