ຕາມຂ່າວCRI:ສື່ມວນຊົນອີຕາລີລາຍງານໃນວັນທີ 2 ຕຸລານີ້ວ່າ, ທ່ານອານເກລີໂນ ອານຟາໂນ, ລັດຖະມົນຕີກະຊວງການຕ່າງປະເທດອີຕາລີກ່າວວ່າ, ເພື່ອຮັບມືກັບການທ້າທາຍຈາກລູກສອນໄຟນຳວິຖີຂອງ ສ.ປ.ປ ເກົາຫຼີ ທີ່ຮຸນແຮງຂຶ້ນຢ່າງບໍ່ຢຸດຢັ້ງ, ອີຕາລີຈະໄຂໄລ່ເອກອັກຄະລັດຖະທູດ ສ.ປ.ປ ເກົາຫຼີ ປະຈຳປະເທດຕົນ.
ພ້ອມກັນນັ້ນ, ທ່ານອານເກລີໂນ ອານຟາໂນຍັງກ່າວຕື່ມວ່າ, ອີຕາລີຈະບໍ່ຕັດການພົວພັນທາງການທູດກັບ ສ.ປ.ປ ເກົາຫຼີ, ເພື່ອຮັກສາ
ຊ່ອງທາງການແລກປ່ຽນກັນ. ແຕ່ທ່ານບໍ່ໄດ້ເປີດເຜີຍຢ່າງຈະແຈ້ງກ່ຽວກັບເວລາທີ່ລະອຽດທີ່ໃຫ້ເອກອັກຄະລັດຖະທູດ ສ.ປ.ປ ເກົາຫຼີ ອອກຈາກອີຕາລີ.