ວັນທີ 3 ຕຸລານີ້ ກະຊວງການເງິນຟິລິບປິນຖະແຫຼງວ່າ, ທະນາຄານລົງທຶນພື້ນຖານໂຄງລ່າງອາຊີແລະຂໍ້ລິເລີ່ມໜຶ່ງແລວທາງໜຶ່ງເສັ້ນທາງຈະຊຸກຍູ້ໃຫ້ການຄ້າຢູ່ພາກພື້ນ ມີຄວາມກ້ຳເກິ່ງກັນຢ່າງຮອບດ້ານ, ແລະຈະສ້າງຜົນປະໂຫຍດຍາວນານໃຫ້ແກ່ປະເທດຕ່າງໆ, ສະນັ້ນ ລັດຖະບານຟິລິບປິນຈະໃຫ້ການສະໜັບສະໜູນເປັນຢ່າງຍິ່ງ.
ທ່ານໂດມິງເກີສ ລັດຖະມົນຕີກະຊວງການເງິນຟິລິບປິນກ່າວໃນຖະແຫຼງການດັ່ງກ່າວວ່າ, ປະເທດຕົນຫວັງຢ່າງຍິ່ງຈະສືບຕໍ່ເພີ່ມທະວີການຮ່ວມມືດ້ານການຄ້າ ແລະການລົງທຶນກັບຈີນ.
ຂ່າວລານງານຕື່ມວ່າ, ຫວ່າງມໍ່ໆນີ້, ທະນາຄານລົງທຶນພື້ນຖານໂຄງລ່າງອາຊີໄດ້ເຫັນດີການລະດົມທຶນທີ່ 207 ລ້ານ 6 ແສນໂດລາສະຫະລັດທີ່ສະເໜີໂດຍລັດຖະບານຟິລິບປິນເພື່ອໃຊ້ໃນໂຄງການຕ້ານໄພນ້ຳຖ້ວມທີ່ນະຄອນຫຼວງມະນີລາ.
ລັດຖະສະພາຟິລິບປິນໄດ້ຜ່ານຮັບຮອງມະຕິກ່ຽວກັບ ສັນຍາທະນາຄານລົງທຶນພື້ນຖານໂຄງລ່າງອາຊີໃນເດືອນທັນວາ 2016, ແລະສັນຍາວ່າຟິລິບປິນຈະສົມທົບກທຶນ 196 ລ້ານໂດລາສະຫະລັດໂດຍຈ່າຍຜ່ອນພາຍໃນເວລາ 5 ປີ.