ບໍລິສັດເວຣີຊັນ ທີ່ເປັນບໍລິສັດໂທລະຄົມມະນາຄົມຍັກໃຫຍ່ຂອງອາເມລິກາ ທັງເປັນບໍລິສັດແມ່ຂອງບໍລິສັດ YAHOO ປະກາດໃນວັນທີ 3 ຕຸລານີ້ວ່າ, ຂໍ້ມູນສ່ວນຕົວຂອງຜູ້ໃຊ້ ບໍລິການຂອງ YAHOO 3 ຕື້ຄົນຖືກເຈາະ ເຊິ່ງຕົວເລກນີ້ແມ່ນ 3 ເທົ່າກັບຕົວເລກທີ່ປະກາດໃນເດືອນທັນວາປີ 2016.
ວັນທີ 14 ທັນວາ 2016, ບໍລິສັດ YAHOO ທີ່ຍັງບໍ່ທັນຖືກບໍລິສັດເວຣີຊັນຈັບຊື້ນັ້ນປະກາດວ່າ, ຖືກແຮັກເກີເຈາະຂໍ້ມູນໃນເດືອນສິງຫາປີ 2013 ສົ່ງຜົນເຮັດໃຫ້ເສຍຂໍ້ມູນຂອງລູກຄ້າ 1 ຕື້ຄົນ.
ສ່ວນການຖືກເຈາະຂໍ້ມູນເທື່ອນີ້ ຂໍ້ມູນຂອງລູກຄ້າໃຊ້ ບໍລິການຂອງ YAHOO ທີ່ຖືກລັກລວມທັງ ຊື່ແລະນາມສະກຸນ, ທີ່ຢູ່ອີເມວ, ເບີໂທລະສັບ, ວັນເດືອນປີເກີດ ແລະລະຫັດລັບເປັນຕົ້ນ. ຍ້ອນຂໍ້ມູນທາງທະນາຄານບໍ່ໄດ້ເຊັບໄວ້ໃນລະບົບທີ່ຖືກເຈາະ ຈິ່ງບໍ່ໄດ້ຖືກກະທົບແຕ່ຢ່າງໃດ.
ບໍລິສັດເວຣີຊັນກ່າວຕື່ມໃນວັນທີ 3 ວ່າ ສ່ວນບຸກຄົນທີ່ໃຊ້ ບໍລິການຂອງ YAHOO ແຕ່ເດືອນສິງຫາ 2013 ເປັນຕົ້ນມາລ້ວນແຕ່ອາດຈະຖືກເຈາະໃນຄັ້ງນີ້.