ອີງຕາມກົດໝາຍວ່າດ້ວຍການເລືອກຕັ້ງຂອງປາກິສະຖານທີ່ຜ່ານຮັບຮອງໃໝ່, ວັນທີ 3 ຕຸລານີ້ ທ່ານນາວາສ ຊາຣີຟ ອະດີດນາຍົກລັດຖະມົນຕີໄດ້ຮັບເລືອກຕັ້ງເປັນຜູ້ນຳພັກສະຫະພັນມຸສລິມ(ຝ່າຍຊາຣີຟ) ທີ່ກຳອຳນາດ.
ມື້ດຽວກັນ, ພັກດັ່ງກ່າວໄດ້ມອບເອກະສານກ່ຽວກັບທ່ານຊາຣິຟໄດ້ຮັບການເລືອກຕັ້ງນັ້ນໃຫ້ຄະນະກຳມະການເລືອກຕັ້ງປາກິສະຖານ ເຊິ່ງຄະນະກຳມະການດັ່ງກ່າວຈະປະກາດຜົນຢ່າງເປັນທາງການໃນພາຍຫຼັງ.
ເດືອນກໍລະກົດປີນີ້, ສານສູງສຸດຂອງປາກິສະຖານໄດ້ຍົກເລີກຄຸນວຸທິດດຳລົງຕຳແໜ່ງຂອງທ່ານຊາຣີຟທີ່ເປັນນາຍົກລັດຖະມົນຕີປາກິສະຖານໃນເວລານັ້ນໂດຍອ້າງວ່າຖືກສົງໃສສໍ້ລາດບັງຫຼວງ. ຫຼັງຈາກນັ້ນ ທ່ານຊາຣີຟໄດ້ລາອອກຈາກຕຳແໜ່ງໃນການນຳພາພັກສະຫະພັນມຸສລິມ(ຝ່າຍຊາຣີຟ). ອີງຕາມກົດໝາຍທີ່ກ່ຽວຂ້ອງ, ນັກການເມືອງທີ່ຖືກຍົກເລີກຄຸນວຸດທິດຳລົງຕຳແໜ່ງນັ້ນຈະບໍ່ສາມາດຮັບຕຳແໜ່ງພາຍໃນພັກອີກ, ແຕ່ວ່າພັກສະຫະພັນມຸສລິມ(ຝ່າຍຊາຣິຟ)ໄດ້ອີງໃສ່ທີ່ນັ່ງສ່ວນຫຼາຍຂອງຕົນໃນສະພາຕ່ຳປາກິສະຖານ ຈິ່ງສາມາດຜ່ານຮັບຮອງມະຕິສະບັບໜຶ່ງກ່ຽວກັບການອະນຸມັດໃຫ້ນັກການເມືອງທີ່ຖືກຍົກເລີກຄຸນວຸທິດດຳລົງຕຳແໜ່ງນັ້ນສາມາດຖືກເລືອກຕັ້ງເປັນຜູ້ນຳພັກການເມືອງອີກ ເຊິ່ງເປັນການປູທາງໃຫ້ແກ່ທ່ານຊາຣີຟໃນການຮັບການເລືອກຕັ້ງດັ່ງກ່າວ.