ຕາມຂ່າວສານຊິ່ນຮວາ: ວັນທີ 4 ຕຸລານີ້, ເຈົ້າໜ້າທີ່ກອງທັບຊີລີປະກາດວ່າ, ທະຫານລັດຖະບານໄດ້ກວາດລ້າງກຸ່ມ IS ຢູ່ແຂວງຮາມາພາກກາງປະເທດຕົນ, ການເຄື່ອນໄຫວທາງການທະຫານໄດ້ຮັບຄວາມຄືບໜ້າສຳຄັນ.
ເຈົ້າໜ້າທີ່ທະຫານຊີລີເປີດເຜີຍວ່າ, ທະຫານລັດຖະບານສາມາດຍຶດ 50 ກວ່າບ້ານຢູ່ເຂດພາກຕາເວັນອອກຂອງແຂວງຮາມາຄືນໄດ້ ໃນເກືອບໜຶ່ງເດືອນຜ່ານມາ. ຫຼັງຈຸດທີ່ໝັ້ນສຸດທ້າຍຂອງ IS ຖືກກຳຈັດ, ການກວາດລ້າງຢູ່ເຂດນີ້ຂອງທະຫານລັດຖະບານກໍ່ໄດ້ສິ້ນສຸດລົງ, ກຳລັງປະກອບອາວຸດຂອງກຸ່ມ IS ຢູ່ແຂວງຮາມາກໍ່ໄດ້ຖືກກຳຈັດ. ປັດຈຸບັນ, ຢູ່ຊີລີ ມີພຽງແຕ່ແຂວງເດວໂຈ ພາກຕາເວັນອອກປະເທດດັ່ງກ່າວເທົ່ານັ້ນ ຍັງຢູ່ໃຕ້ການຄວບຄຸມຂອງກຸ່ມ IS.