ຕາມຂ່າວສານຊິ່ນຮວາ: ໃນການອະພິປາຍທົ່ວໄປຂອງຄະນະກຳມະການທີ 2 ຂອງສະມັດຊາໃຫຍ່ສະຫະປະຊາຊາດສະໄໝທີ 72 ທີ່ຈັດຂຶ້ນໃນວັນທີ 3 ຕຸລານີ້, ທ່ານອູຫາຍທ່າວ, ອຸປະທູດຊົ່ວຄາວຂອງຄະນະຜູ້ຕາງໜ້າຖາວອນຂອງຈີນປະຈຳສະຫະປະຊາຊາດກ່າວວ່າ, ປະເທດຕ່າງໆຄວນສຸມໃສ່ເປົ້າໝາຍຫຼຸດຜ່ອນຄວາມທຸກຍາກ, ຈັດການຫຼຸດຜ່ອນຄວາມທຸກຍາກເປັນບູລິມະສິດຫຼາຍກວ່າເກົ່າ, ເພີ່ມທະວີການລົງທຶນດ້ານຊັບພະຍາກອນຕ່າງໆ, ເພື່ອໃຫ້ໄດ້ຮັບປະສິດທິຜົນທັງໃນດ້ານການຫຼຸດຜ່ອນຄວາມທຸກຍາກແລະການພັດທະນາ. ປະຊາຄົມໂລກຄວນໃຫ້ຄວາມສຳຄັນຕໍ່ການຊ່ວຍເພີ່ມຂີດຄວາມສາມາດໃນການຫຼຸດຜ່ອນຄວາມທຸກຍາກຂອງປະເທດພວມພັດທະນາ, ລົບລ້າງຄວາມທຸກຍາກທຸກຮູບແບບ, ກຳຈັດຄວາມອຶດຫິວ, ບັນລຸຄວາມໝັ້ນຄົງດ້ານສະບຽງອາຫານ, ຊຸກຍູ້ໃຫ້ບັນລຸເປົ້າໝາຍພັດທະນາແບບຍືນຍົງຕາມເວລາກຳນົດ.
ທ່ານອູຫາຍທ່າວຢືນຢັນວ່າ, ຈີນສຸດທີ່ເອົາໃຈໃສ່ການປະຕິບັດວາລະການພັດທະນາແບບຍືນຍົງຮອດປີ 2030, ຍິນດີຮ່ວມກັບປະເທດສະມາຊິກຂອງສະຫະປະຊາຊາດ, ທຳຄວາມພະຍາຍາມຢ່າງບໍ່ລົດລະເພື່ອບັນລຸການພັດທະນາແລະຄວາມຈະເລີນຮຸ່ງເຮືອງຂອງໂລກ.