ອົງການຮັກສາຄວາມໝັ້ນຄົງສະຫະພັນຣັດເຊຍຢືນຢັນໃນວັນທີ 5 ຕຸລານີ້ວ່າ: ໄດ້ຮູ້ຢ່າງຈະແຈ້ງແລ້ວວ່າຜູ້ບົ່ງການປ່ອຍຂ່າວລືກ່ຽວກັບການຈະກໍ່ເຫດລະເບີດຢູ່ຫຼາຍແຫ່ງຂອງປະເທດຕົນທາງໂທລະສັບນັ້ນເປັນຊາວຣັດເຊຍທີ່ຢູ່ນອກປະເທດ 4 ຄົນ.
ຂ່າວສານRossiya Segodnyaຣັດເຊຍ ລາຍງານວ່າ: ວັນທີ 5 ຕຸລານີ້, ທ່ານອາເລັກຊັນດຣາ ໂບດນີຄົຟ ຫົວໜ້າອົງການຮັກສາຄວາມໝັ້ນຄົງສະຫະພັນຣັດເຊຍໄດ້ຢືນຢັນໃນກອງປະຊຸມອົງການຮັກສາຄວາມໝັ້ນຄົງປະເທດຂອງຕົນວ່າ:ຜູ້ບໍ່ຫວັງດີ 4 ຄົນໄດ້ໃຊ້ໂທລະສັບ IP ເພື່ອຫຼອກລວງ, ເຊິ່ງເປັນເລື່ອງຍາກທີ່ເຈົ້າໜ້າທີ່ຮັກສາຄວາມໝັ້ນຄົງຈະຮູ້ຕຳແໜ່ງຂອງເຂົາເຈົ້າຢ່າງແນ່ນອນ. ແນວໃດກໍດີ,ອົງການຂອງຕົນໄດ້ຮ່ວມມືກັບປະເທດທີ່ກ່ຽວຂ້ອງເພື່ອນຳຈັບຜູ້ບໍ່ຫວັງດີເຫຼົ່ານີ້.
ເລີ່ມແຕ່ວັນທີ 10 ກັນຍາເປັນຕົ້ນມາ, ຢູ່ເມືອງໃຫຍ່ຕ່າງໆຂອງຣັດເຊຍ,ຕຳຫຼວດໄດ້ຮັບໂທລະສັບແຈ້ງໂດຍຫຼອກລວງວ່າຈະກໍ່ເຫດລະເບີດຂຶ້ນ, ຂະນະດຽວກັນ,ການແຈ້ງໃນລັກສະນະດັ່ງກ່າວກໍເພີ່ມຂຶ້ນແລະເພື່ອຄວາມປອດໄພຂອງປະຊາຊົນໂດຍໃນແຕ່ລະມື້ຈຳເປັນຕ້ອງໄດ້ຍົກຍ້າຍປະຊາຊົນຫຼາຍພັນຫຼາຍໝື່ນຄົນໄປບ່ອນປອດໄພເພື່ອລີ້ໄພ.
 |
