ຕາມຂ່າວສານຊິ່ນຮວາ: ວັນທີ 5 ຕຸລານີ້, ສະພາສູງອາເມລິກາໄດ້ເປັນເອກະພາບຕັ້ງທ່ານຣັນດານ ຄວາລັສ໌ ເປັນກຳມະການ FED ແລະຮອງປະທານ FED ຮັບຜິດຊອບການຕິດຕາມຄຸ້ມຄອງການທະນາຄານ.
ອາຍຸການດຳລົງຕຳແໜ່ງກຳມະການ FED ຂອງທ່ານຄວາລັສ໌ ແມ່ນ 14 ປີ, ແລະອາຍຸການດຳລົງຕຳແໜ່ງຮອງປະທານ FED ເພື່ອຮັບຜິດຊອບການຕິດຕາມຄຸ້ມຄອງການທະນາຄານແມ່ນ 4 ປີ.
ທ່ານຄວາລັສ໌ ມີປະສົບການໃນການເຮັດວຽກຢູ່ຂະແໜງການຕ່າງໆຂອງລັດຖະບານແລະໃນຂົງເຂດການເງິນສາກົນ. ທ່ານເຄີຍເປັນຮອງລັດຖະມົນຕີກະຊວງການເງິນອາເມລິກາທີ່ຮັບຜິດຊອບວຽກງານການທະນາຄານພາຍໃນປະເທດ, ລັດຖະມົນຕີຜູ້ຊ່ວຍທີ່ຮັບຜິດຊອບວຽກງານສາກົນແລະປະທານຄະນະບໍລິຫານງານຂອງອາເມລິກາປະຈຳອົງການກອງທຶນເງິນຕາສາກົນ. ທ່ານຍັງເຄີຍເປັນຜູ້ຮ່ວມທຶນຂອງກຸ່ມບໍລິສັດຄາເລ ສະຖາບັນການລົງທຶນເອກະຊົນອາເມລິກາ.
 |
