ຕາມຂ່າວສານຊິ່ນຮວາ: ວັນທີ 5 ຕຸລານີ້, ບໍລິສັດການບິນສາກົນຈີນຫຸ້ນສ່ວນຈຳກັດ ຫຼື Air China ຈັດງານໂຄສະນາຢູ່ນະຄອນຫຼວງອິສລາມາບັດຂອງປາກີສະຖານ, ໂດຍປະກາດວ່າ, ນັບແຕ່ວັນທີ 29 ຕຸລານີ້ເປັນຕົ້ນໄປ, ບໍລິສັດຕົນຈະເພີ່ມຖ້ຽວບິນຂອງເສັ້ນທາງການບິນປັກກິ່ງ—ອິສລາມາບັດ—ຄາລາຊີ, ຈາກອາທິດລະ 4 ຖ້ຽວໃນປັດຈຸບັນ ເພີ່ມຂຶ້ນເປັນອາທິດລະ 7 ຖ້ຽວ. ການປັບປຸງຖ້ຽວບິນເທື່ອນີ້ຈະເປັນປະໂຫຍດໃນການຮັບໃຊ້ການໄປມາຫາສູ່ກັນລະຫວ່າງສອງປະເທດໃນຂົງເຂດຕ່າງໆ ເຊັ່ນ: ເສດຖະກິດການຄ້າ, ວັດທະນະທຳແລະອື່ນໆ.
ໃນເວລາກ່າວຄຳປາໄສ, ທ່ານຈ້າວລີ້ຈ່ຽນ, ທີ່ປຶກສາທູດຊັ້ນອັກຄະລັດຖະທູດສະຖານທູດຈີນປະຈຳປາກີສະຖານຢືນຢັນວ່າ, ການພົວພັນລະຫວ່າງຈີນກັບປາກີສະຖານກຳລັງຢູ່ໃນໄລຍະດີທີ່ສຸດ, ໂດຍສະເພາະຫຼັງຈາກໄດ້ສ້າງແລວທາງເສດຖະກິດຈີນ-ປາກີສະຖານມານີ້, ການພົວພັນໃນຂົງເຂດຕ່າງໆລະຫວ່າງສອງປະເທດ ເຊັ່ນ: ການເມືອງ, ເສດຖະກິດ, ວິທະຍາສາດເຕັກໂນໂລຊີ, ແລະວັດທະນະທຳເປັນຕົ້ນ ໄດ້ຂະຫຍາຍຕົວຢ່າງບໍ່ຢຸດຢັ້ງ, ການໄປມາຫາສູ່ກັນລະຫວ່າງສອງປະເທດນັບມື້ນັບຫຼາຍຂຶ້ນ, ເຊິ່ງໄດ້ສ້າງໂອກາດໃຫ້ແກ່ການຂະຫຍາຍທຸລະກິດຢູ່ປາກີສະຖານຂອງບໍລິສັດ Air China.
 |
