ອາ​ເມ​ລິ​ກາ​ຈະ​ຂາຍ​ລະ​ບົບ "ທັດ"​ໃຫ້​ອາ​ຣັບ​ບີ​ຊາ​ອຸ​ດິດ
2017-10-07 16:41:15  cri 

ກົມ​ຮ່ວມ​ມືຄວາມ​ໝັ້ນ​ຄົງ​ແລະ​ວຽກ​ງານ​​ປ້ອງ​ກັນ​ຊາດ​ຂອງ​ກະ​ຊວງ​ປ້ອງ​ກັນ​ປະ​ເທດ​ອາ​ເມ​ລິ​ກາ​ໄດ້​ອອກ​ຖະ​ແຫຼງ​ການ​ໃນ​ວັນ​ທີ 6 ຕຸ​ລາ​ນີ້​ວ່າ: ກະ​ຊວງ​ການ​ຕ່າງ​ປະ​ເທດ​ອາ​ເມ​ລິ​ກາ​ໄດ້​ຮັບ​ຮອງ​ການ​ຂາຍ​ລະ​ບົບ​ຕ້ານ​ຂີ​ປະ​ນາ​ວຸດ "ທັດ"​ພ້ອມ​ອຸ​ປະ​ກອນ​ຄົບ​ຊຸດ​ທີ່​ມີ​ມູນ​ຄ່າ​ທັງ​ໝົດປະ​ມານ 15 ຕື້​ໂດ​ລາ​ສະ​ຫະ​ລັດ​ໃຫ້​ອາ​ຣັບ​ບີ​ຊາ​ອຸ​ດິດ.

ຖະແຫຼງ​ການລະ​ບຸ​ວ່າ, ອາ​ວຸດ​ຍຸດ​ໂທ​ປະ​ກອນ​ທີ່​ອາ​ເມ​ລິ​ກາ​ຈະ​ຂາຍ​ໃຫ້​ອາ​ຣັບ​ບີ​ຊາ​ອຸ​ດິດ​ເທື່ອ​ນີ້​ປະ​ກອບ​ມີ ເຄື່ອງ​ຍິງ "ທັດ" 44 ເຄື່ອງ, ລູກ​ສອນ​ໄຟ​ລັດ​ສະ​ກັດ "ທັດ" 360 ລູກ,ລະ​ບົບ​ຄວບ​ຄຸມ​ການຍິງ​ລູກ​ສອນ​ໄຟ 16 ເຄື່ອງ, ເຄື່ອງລາ​ດາ 7 ເຄື່ອງ ພ້ອມ​ດ້ວຍ​ອຸ​ປະ​ກອນ​ກ່ຽວ​ຂ້ອງ​ອື່ນໆ.

​ຖະ​ແຫຼງ​ການ​ລະ​ບຸ​ຕື່ມ​ວ່າ: ແຜນ​ການ​ຂາຍ​ອາ​ວຸດ​ເທື່ອ​ນີ້​ຈະ​ເປັນ​ການ​ເພີ່ມ​ຜົນ​ປະ​ໂຫຍດ​ດ້ານ​ຄວາມ​ໝັ້ນ​ຄົງ​ແຫ່ງ​ຊາດ​ແລະ​ການ​ຕ່າງ​ປະ​ເທດ​ໃຫ້​ອາ​ເມ​ລິ​ກາ​ຕື່ມ​ອີກ ທັງ​ເພີ່ມ​ຂີດ​ຄວາມ​ສາ​ມາດ​ຂອງ​ອາ​ຣັບ​ບີ​ຊາ​ອຸ​ດິດ​ໃນ​ການ​ຕ້ານ​ໄພ​ຂົ່ມ​ຂູ່​ຈາກ​ລູກ​ສອນ​ໄຟ​ນຳ​ວິ​ຖີ​ໃຫ້​ສູງ​ຂຶ້ນ​ຢ່າງຫຼວງຫຼາຍ.ຂະ​ນະ​ດຽວ​ກັນ, ຖະ​ແຫຼງ​ການ​ລະ​ບຸ​ວ່າ ການ​ຂາຍ​ອາ​ວຸດ​ເທື່ອ​ນີ້​ຈະ​ບໍ່​ປ່ຽນ​ແປງ​ຄວາມ​ກ້ຳ​ເກິ່ງ​ທາງ​ການ​ທະ​ຫານ​ໃນ​ຂັ້ນ​ພື້ນ​ຖານ​ຂອງ​ເຂດ​ຕາ​ເວັນ​ອອກ​ກາງ.

ຂ່າວ-ບົດທີ່ກ່ຽວຂ້ອງ
ຜູ້ດຳເນີນລາຍການ